Mithah Dingah A Kai Mi Ralhrang 100 le KIA An Mah Tu An Rak Thah Hna

September 8 zinglei suimilam 11:00 hrawngah Tanaing le Shingbawiyang lei a rak kai mi ralhrang 100 hrawng cu Lajiabum ah KIA he fak ngaiin an i kap tiah theih a si. Tanaing in Darung lei kalnak Tanaing – Shinbawiyang lam hi nizaan September 7 zinglei in KIA nih an phih cia mi a si. Ralhrang hna hi nizaan in an rak phan cang.

KIA lei nih an rak kai rih ahcun kan kah hna lai an ti hnu an kai chih caah tuzing cu an i kap taktak cang, KIA Nih An kah hmasa hna, Cu hnu ah kap hninh kahnak a chuah i ralkap a hmunah 4 an thi hliamhma tuar an tam tiah theih asi. NUG Nih D-Day ti a thanh sinin hmun zakip ah i kahnak a karh bang Kachin lei zongah voidangnak in i kahnak a fak deuh tiah theih asi

Nan khua le peng nan zamtak dih ahcun hodah Chin ralkap pasaltha CNA/CDFs hna tirawl pe lai. 2021 September 7 in NUG nih D-Day an thanh. Cu le cangka chungkhar tampi nih khua le peng chuah tak aa timmi an um. Mizoram hna ah zam usilaw timi an um pah tiah thawng kan theih. Ka hawi le tampi nih nan zam ve lai maw tiah an kan hal timi an tlawm lo.

Zaam ding le um dingah lungrethei mi kan tam ngaingai hna. A ho kan si ah mawh i phurh awk ttha lo mi cu si ko e. Khua kan ruah dingmi ahcun ral tei kan duh ahcun kan zaam lo ah a ttha bik ko lo ma?. Kan khua le peng cio ah um dih a haumi si. Mah le sining le ti khawh tawk in kan doh cio a haumi si,a ho hlei cu dah ralhrang dotu dingah na rinh hlei hna. Kan zaam viar ah cun raltu mi kan ralkap hna hodah tirawl pe hna lai?

Khoika dah eidin an lak lai I an panh hnga ? Aho nih dah ralhrang phu hna umkal ning thawng a pek hna lai mu? Sakah kan duh ahcun,khan hnawt tu an um hau,sakhan chuak bawh tu an um lai,khansulh bawmhtu tiang um hau bang, na khua le peng ummi ralhrang hna kha na hnawt/hawt hna lai I pei sakhan chuak bawhtu kan ralkap hna nih chunhchih ah meithal hmuahchih in an rak kah hna lai cu.

Nan khua le peng nan zamtak dih ahcun na khua le peng kha ralhrang nih umhmun an khuarnak lai caah kan ralkap an ihliam,an tihal rawlttam tikah na peng le khuaah an lut ngam ti lai lo. Cucaah CNA le CDFs nih zam cang ulaw kan mipi hna tiah thawng an inthanh hna,zamnak muko an tum hnu lawngah na peng le khua kha zam tak te ko,mah hlan chung cu raltha tein na peng le khua hngak ko rih.

Raltuk tikah a biapi cemmi cu pawkhim hi sive,paw akim lo cun lo,rrawlttam bu cun zeihmanh tuah khawh silo,cucaah kan ralakp hna paw a khimter kho tucu khua nupa nan si,nan zam dih ahcun kan ralkap hna cu tilo rawl loin an um lai tinak si. _ Chinland 7 Post

Be the first to comment

Leave a Reply

Your email address will not be published.


*