Sagaing ramthen, Depeyin peng, MyintHtan, khua pawng ah lam arak zulhmi ralhrang phu hna cu Depeyin hmunhma um Galon ralkap nih (Galon PDF) nih November 30 zanlei sml 2:20 hrawng ah bomh in an puahhnawh hna i ralhrang lei in an cawlcang lo caah a thi mi an tam kho tiah Galon PDF nih cathanh achuah.
PDF Special forces ralkap hna a himnak hmun an phak hlan tiang ralhrang pawl cu an cawlcang lo caah ahliam mi an tam kho tiah Galon ralkapbu nih cathanh ah an langhter. Bomb puahhnawh asi mi MyintHtan khua le KianKaan khua Kar ah bomhpuah hnawh asi mi ralhrang hna cu tuni December 1 zinglei ah an rak zoh lio ah,.
Mipi vengtu ralkap hna he hmaitonh kahdohnak achuak tiah Galon ralkap hna sin in theih asi.” Tuzing hmaitonh kahdohnak cu minute 30 hrawng an i kap. Ralhrang hna cu KineKaan khua cu an luh khawh lo caah InnPinYaDin lei ah an kal tiah Galon PDF phu chungtel pakhat nih achim. Khit Thit Media
Central cozah sin ah Mizoram herh mi tlunh ding i New Delhi khuapi ah a caam lio mi Mizoram Chief Minister Pu Zoramthanga nih India Prime Minister Pu Narendra Modi a va ton. Pu Zoramthanga nih a va tlunh mi hna hi India Prime Minister Pu Narendra Modi nih a rak cohlan i, a herhning in dothlat colh a si lai, tiah a rak leh.
Mizoram herh mi a tlunh lak ah hin Ralzaam kong zong aa tel, tiah Department of Information and Public Relations, Mizoram nih a langhter. India central cozah lutlai Prime Minister le Union Home Minister nih Mizoram cozah an rak kamh cang bantuk in, Mizoram cozah nih All India Service Carde dang a neih ve khawh nakhnga le an halnak file tlaitu Union Secretary sin ah rang deuh in a phanh khawh nakhnga Prime Minister an hal.
Mizoram cozah zong nih Mizo holh thiam mite Chief Secretary an ngeih khawh fawn nakhnga an rak hal cang mi zong an chimpi. Myanmar ram buai ruangah Mizoram i aa dor lio mi ralzaam hna zong bawmchan ding in Prime Minister Pu Narendra Modi hi a hal, tiah DIPR Mizoram nih a tial. The Chin Post
Leave a Reply