Mipi Ralkap Nih Ralhrang Pawl An Kah Hna I Tam Tak Tak An Thanh Hna,

Sagaing ramthen, Tamu khuapi in mengtung 4 ahlat nak hmunah a ummi Kawl ralhrang sakhaan cu Burmese Student Organizations (BSO) (ABSDF) nih nizan April 14 ah khan an kahdoh hna tiah thawngpang theih asi. Cu kahdohnak ah cun Kawl ralhrang leiin minung 7 an thi tiah an langhter.

Cun cu kahdohnak a um chung ah cun kawl ralhrang leiin bawmtu an rak phak khawh nak hnga lo dingah Burmese Student Organizations (BSO)(ABSDF) tatzin 2 nih lam an rak phihkhar ve rih fawn tiah an langhter.

Cun Burmese Student Organizations (BSO)(ABSDF) leiin kawl ralhrang dohnak ding ah hin zenkuan an chanbau ngai cang hna caah miphun dawtu hna nih chawva hlut a duh mi kan um asi ah cun atanglei langhter mi ah hin nan kan pehtlaihnak hnga upatnak he zaangfah kan in nawl hna tiah zong an langhter.

Thawngdang; Burmese Rampi chungah mei a khangh mi Inn 9187 a si cang ; Ralhrang nih uknak a lak khawh in Rampi chungah ralhrang ralkap  a kut tang nih mei an khangh ruangah an rawk mi inn 9187 a si cang ii tiah Data For Myanmar nih April 14 ah thawng an thanh . Mah cazin hi ralhrang nih uknak an lak 2021 kum , Febaruary 1 in 2022 April 13 tiah cazin a si.

Mah hna lak ah Sagaing pengkulh ah inn 5617  an tam bik an khangh nak a si i, Magwe pengkulh hi  Pahnih nak a si  , Chin hi pathum nak si. Mah inn a rawk mihi Burmese rampi chung ah hmunhma 254 ah a si tiah Data For Myanmar cazin ah kan theih.

Ralhrang biachimhnawl ngeitu Zaw Min Thun nih cun inn an khangh mi hi kan mah kan si lo PDF nih an khanh mi a si tiah an chimh ve . Data For Myanmar i cazin ahcun March 31 tiah ahcun inn 7973 a rawk ii , Atu April 13 tiah ahcun 9187 a rawk cang ii zarhhnih chung ah inn 1214 an khangh i a rawk tiah a chimh.

thawngdang ; Matupi Peng Thawngpang Tawi! April 12 chun sml 12:00 hrawngah Matupi khuapi ah helikopter pakhat a rak tum i, zanlei sml 2:00 hrawngah a zuang than tiah thawng kan theih.

Matupi khuapi ah helikopter a phak hnuin Gas tiin ruahmi chemical hriamnam hmangin SAC ralhrang ralkap nih Battalion -4 leiah an kah caah an kahnak hmun le pawngkam meng (1) hrawnghrang ah a ummi mipi hna cu an lungmit, an luak i, lungfim loin an um tiah kan theih. CDF-Matupi nih Battalion-4 pawngkam ah a ummi mipi hna cu himnak hmunah an zaamter hna tiah kan theih.

Matupi khuapi chim lo, pawngkam khuate ahcun MEC phone line telh in phone line paoh cu an thah tiah tualchungmi hna nih an chim.

SAC Ralhrang Nih An Kah Nain A Puak Lomi Hriamngan Pawl Cu CDF-Mindat Nih Phorh Hratin An Puahter! Mindat pengah SAC ralhrang ralkap nih kahdohnak a tuah lioah an kahmi hriamngan a puak rih lomi hna cu CDF Mindat nih kawlhawlnak tuah hratin an phorh hnuah an puahter tiah kan theih. Mindat peng chungah vawlei tangah an chiahmi bomb siseh a puak rih lomi hriamngan siseh an tampi rih tiah kan theih.

CDF le CNA Ralkap pakhat cio in thei dih kho hna sehlaw a tha ngai dingmi, Rev. Za Thawng Cin nih a chim mi bia hi CDF ralkap le CNA ralkap pakhat cio in thei dih kho hna sehlaw a tha ngai ding mi a si. Hi a bia hi toling le cinken awk tlak.

A tulio i kan herh tuk mi le a biapi tuk mi a si. Kan dihlaknkan theh khawh cio nak hnga Share tuah cio hna usih. Credit: Vaurawng zuunthil. Video a tanglei ah a um lai. Van zoh law. Tha tuk hringhran.

SAC Ralkap le CNDF Kahdohnak Ah SAC Ralkap 3 Hliam An Tuar, Nihin, April 14 chun ah CNDF le SAC ralkap karlak kahdohnak a chuak i SAC ralkap 3 hliam an tuar tiah CNDF nih catthanh chuah. Kalay peng Taungthar khua kam ah nihin April 14, chun suimilam 12:00 hrawng in SAC ralkap le CNDF suimilam cheu hrawng i kahnak ah, SAC ralkap a tlawm bik 3 an i hliam i CNDF lei thi le hliamtuar um loin kan kir kho tiah CNDF nih cathanh chuah. (TCP)

Ukraine cu Moscow i kahdohnak cu miphun cihmih bantuk a si  tiah American president Biden nih a chim lio caan ah Russia lei zong nih kahdohnak cu punghman ning in pehzulhin kan i timh mi kan phak hlan tiang kan tuk ko lai tiah Russia president Putin nih a chim.

” Aw a si ko. Miphun cihmih a si tiah ka chim. Zeiruang ah dah a si ti ah cun Ukraine fa ka si ko ti mi cu Putin nih hnawn hna dingin aa timh, aa zaum timi cu hi nak in theih thluahmah a si cang i tette pawl zong tampi a um ko ” tiah U.S President Biden nih a chim.

” Miphun cihmih aa timh, miphun cihmih a si le si lo cu vawleicung huap biaceihtu sihni hna pawl cu biachah nak ka tuah ter hna lai. A si nian kei mah lei in cun miphun cihmih a si k” tiah Biden nih a chim chap.

Russia nih khua nu, khua pa pawl thah nawn dingin a timh hna timi cu an mah Russia lei nih a tu le tu in mah bia cu an cohlang duh lo, an hnawn i ral chung ah Russia nih mipi pawl thahhren in a tuah hna timi Ukraine le Nitlak lei ram hna nih an chim mi cu Russia lei nih an duh ning an herh ning paoh paoh in an chim phuan i leh nak an tuah tiah theih a si.

A sinain Russia ralkap pawl hnu lei ah an kir hnu ah Ukraine ram i thlang lei khuapi hna ah mithi ruak cu lam cungah tampi hmuh a si tiah theih  a si. Russia ralkap pawl an chuah nak Kive khuapi pawng hrawngah mithi ruak cu 720 an hmuh tiah theih a si.