Mipi Ralbawi Ralhrang Nih An Thah

Loikaw pengkulh chung, Loi Lin Lay pawng raldohnak ah Karenni Army (KA) in Ralbawi a simi Miphun pasaltha nih a nunnak a pek tiah theih asi. Karenni Army Ralbawi a ruak suannak le ruakvui nak cu sunglawi taktak in an miphun hna nih nihin ah an tuah hi asi. Nizaan December 17, 2021 raldohnak ah a nunnak a liam mi KA ralbawi ဒု-ဗိုလ္မိုးစက္ a ruak,.

Vuinak cu niin December 18, 2021 ah an miphun le a ralkap hnana nih sunglawi taktak in an tuah, upat peknak he ruak vuinak program cu an hman hi a si. Nizaan December 17, 2021 zinglei suimilam 9:00AM tluk hrawng in khan Loikaw pengkulh Loi Lin Lay pawng ah raldohnak a chuah hi asi.

Karenni miphun ralkap a simi KA (Karenni Army) le Karenni miphun rungvengtu hriamtlai phu KNDF hna i bawm in ralhrang cu an kah hna hi asi. Nizaan raldohnak ah SAC ralhrang lei in minung pathum an thi i a dang minung 4 nih hliam an tuar.

Cun miphun pasaltha a simi KA Ralbawi nih a nunnak a pek ve hi asi. Miphun pasaltha a si bantuk in a ruak a thlah tu zong an tam taktak. A nupi nih a hmanthlak te i ken in hmai a sak piak hna i ralkap le mibu nih a hnu lei in an zulh nak hmanthlak tete zong hmuh khawh asi.

Be the first to comment

Leave a Reply

Your email address will not be published.


*