Mipi le Sachia ralkap i do nak ah na nun nak hmanh i ruat loin hmaikal in raldo mi Ka Pa na rian tlam na tlinh Ka Pa Na sin a ra kho lo mi Na Fa ka ngaithiam

Matupi -Mindat kar lam i kah nak ah kum 73 asi cang mi CDF-Mindat in pakhat a nun nak a liam, November 3 Chin ramkulh Matupi-Mindat kar lam meng 40 le 50 kar ah tuni zinglei 10:00 in 11:00 AM tiang hrawng Ralhrang le CDF mindat kaphnih kar kahdoh nak achuak i Ralkap lei nih hriamnam ngan in an kah hna caah CDF-Mindat lei in Kum 73 asi cang mi miralttha pakhat a nunnak a liam.

“Na Fa le nih mah tluk kan in thloh ko nain a dik mi le a dik lo mi i do nak, Mipi le Sachia ralkap i do nak ah na nun nak hmanh i ruat loin hmaikal in raldo mi Ka Pa na rian tlam na tlinh. Hi Dothlennak ah a nunnak a pe cang mi Miraltha CDF vial te he upat nak kan in pek hna Ka Pa. Na sin a ra kho lo mi Na Fa ka ngaithiam ko Ka Pa” tiin a Facebook ca hmai ah a ttial.

CDF-Mindat nih Matupi in Mindat lei a kir mi Ralkap motor pawl an kah dih hna hnu CDF-Mindat hnu lei an i thawn pah ah Ralkap nih hriamngan in an kah hna caah a nunnak a liam hi asi. “Kan kah dih hna in hnu lei kan i thawn pah ah hriamngan in an khen caah a nun nak a liam, a nih hi Fimthiam nak zung i cozah riantuan pension a la cang mi kum 73 asi cang mi asi.

Kan mah zawng nih kah nak ah kal lo ding in kan thloh ko, a mah hrim raldo nak ah a thi sa a ngan, a lung a tthawng tuk i asi. Hriamngan nih a khen caah a hliamhma a ngan tuk i a nunnak a liam asi” tiin CDF-Mindat chimphuan nak nawl ngei tu Ko Yaw Mang nih a chim. Thaizing zawng Ralkap le CDF-Mindat kar kah nak a um khawh rih caah zohchun kan hau rih ko tiin Ko Yaw Mang nih a chim chap. Crd-KTMEnter

Daw Aung San Suu Kyi he naihniam tein a um i, NLD cozah nih uknak an tleih lio ah Paliament speaker a rak simi U Win Hein cu ralkap nih an tleih i kum 20 chung thongthlak ding in biachahnak an tuah piak tiah theih a si. Amah hi NLD party chungtel thongthlakmi chungah rank sangbik a si tiah theih a si. U Win Hein sihni nih a chimnak ahcun, ” U Win Hein cu ralkap nih treason case in taza an cuai i a tu bantukin kum 20 chung thongtla dingin bia an chah piak hi a si” tiah AFP media sinah a chim.

U Win Hein hi kum 80 hrawng a si cang i kum 20 thong a tlak ahcun a nunchung thongthlak bantuk khi a si ko cang. Amah hi hlan lio 88 lio hrawng zongah biatak tein kawl ralkap a rak doh ruangah kum saupi thong chungah an rak khumh cangmi a si i tutan thong an thlak than hnu cun a nun caan tam deuh cu thong chungah caan a hmang lai tinak a si. A poi hringhran ko. Hi kongah international leaders pawl zong an khuaruah a har i an thin a phang.

Kan hnu thla ah Daw Aung San Suu Kyi a sihni pawl cu media sinah biachim lo dingin kawl ralkap nih an rak del cang hna i a tuhi Suu Kyi kong zong a zeihmanh theih khawh a si ti lo. Cun an chiahnak hmunhma zong a hohmanh nih an theih khawh lo tikah mipi le vawlei hruaitu pawl an lungre a thei i, human right buar phun khat a si tiah an rak soisel len cang hna.