Nizaan zinglei suimilam 11:00 hrawngah Magwe ramthen, Poh pengkulh Nayyakyi khuate ah a um mi sianginn pakhat ah Saya/ma hna nih 2022-2023 fimcawnnak caah sianghngakchia pawl sianginn luhnak an tuah lio ah PDF mipi kan ralkap minung 20 hrawng nih hriamnam ngan le hriamnam hme in meithal in tlerhkhawn in an kah doh hna i, SAC ralhrang lei nih an kah doh ve hna caah, PDF kan ralkap hna cu Hnu lei ah dam tein an kir kho tiah theih a si.
Research an tuah thar mi ah Nu pakhat nih nau a pawil lio ah sa tlawmtuk lawng a ei ah cun a fanu/pa hna cu zuu le kuak a rem mi an tam deuh tiah dothlatnak thar an tuah mi ah an hmuh thar mi a si. Fapawi lio ah sa a ei tammi le a ei tlawmmi nih an ngeih mi fa le kum 9/10 cung an si hnu cuai an thlai tik ah, a nu nih a pawi lio ah sa tlawmtuk lawng a ei ah cun a fa nu/pa nih sa a ei tam mi nu fa nain vitamin B12 an bau deuh, cu nih cun kuak zuk duhnak, zuudin duhnak a ngeih ter khun hna tiah an hmuh mi an chim.
Hi dothlatnak ah hin naupawi mi nu minung 5,109 tluk an hman hna. Cu hna lak ah Sa (Sa in tuahmi zei poh, sahring) a ei tlawm mi nu nih a hrin mi fale cu an upat tleirawl tik ah hawi dang in kuak an duh, zuu an duh, Kanza (sechoh) zuk tibantuk an hmang duh deuh ee tiah an hmuh. Asinain nau a pawi lio ah sa a ei tammi nu nih a hrin mi fale cu a ei tlawm mi nu fale sin ah cun tampi a zia um tiah an ti. Hi dothlatnak hi Dr. Joseph Hibbeln nih a hruami hna an si. Ref: Catch News le Metro
Joby Aviation Inc nih cun a rauh hlan ah US ram pumpi ah mizapi nih air taxi hman khawh a si cang lai tiah cawn nili ah thawng an thanh. Joby Aviation nih electric thazaang hmang in a ser mi vanlawng cu khuapi chungah Taxi bantuk in hmang kho ding in Federal Aviation Admiistration (FAA) nih siannak certificate an kan pek cang tiah a langhter.
Asinain hi siannak pek mi ahhin ai lim rih lo mi tete a um rih, cu ai lim dih ahcun US ram ah Van-Taxi (air-taxi) hi mizapi nih hman khawh a si lai tiah thawng an thanh. A ralai mi kum 2024 ah khin cun air taxi cu a service kho cang lai tiah ruahchannak an ngei. Joby nih a ser mi Vanlawng hi eVTOL timi phun a si i, minung 5 tthutnak aum mi a si. Kan hnung February ah khan voi khat an hniksak i, ruah lo piin in a tla i ai hrawk dih, asinain a Khaltu bal ai hliam hraw lo.
Ref;Reuters
Minister for Asia Amanda Milling hi NUG ramdang vuanci Pi Zin Mar Aung he zong online in ton biaruahnak a ngei bal cang mi a si. Asinain hmaitonh bak in NUG cozah he an i ton hi tutan lawng hi a si. NUG Minister of Education Dr. Zaw Wai Soe hi London khuapi a phan mi Myanmar mi hna he Southbank University ah tonnak an ngei lai tiah theih a si.
Leave a Reply