Mandalay PDF minung (13) hna cu SAC uico ralhrang nih Phaisa in an hlen hna i an tlaih hna, an mah ralhrang bia halnak ah faak tuk in an hrem hna caah an nunnak caah thinphang a si tiah an chim. An tlaih mi hna PDF minung (13) hi Mandalay PDF, khuachung ah a um mi (Guerrilla fighter) an si tiah an chim.
Ralhrang minung nih Phaisa bawmhnak le hriamnam Meithal bawmhnak pek kan i duh hna tiah an hlen hna. Cu a himnak hmun ah kan i tong lai tiah ralhrang minung nih cun an ti hna i an i tonnak ahcun an tlaih hna ti asi. Civil minung bantuk tein le PDF lei a dirmi bantuk tein an pehtlaih hna ruang ah an i zumh sual hi a si tiah an chim chap. Atu an tlaih mi hna PDF pasaltha minung (13) hna cu an chungkhar he zong pehtlaihnak an tuah ter ti hna lo.
An mah ralhrang biahalnak hmun a si mi Sit-Kyaw-Zi ah faak tuk in an hrem hna, an hrocer hna caah an nunnak caah thinphang a si ko, an thih le nun zong theih a si ti lo tiah an chim. Hi PDF minung(13) an tlaih hna hi November 3 ah khan a si cang nain atu tiang chungkhar lei nih an thawngpang zong an thei kho ti hna lo i an thih le nun zong an thei ti hna lo ti asi. Source: Sping
A luancia zarhdongh ah khan FIFA World Cup aa celh kho ding an kawl caah Club pumpululh chuih an i din. Vawleicung ramthen kip ah ram le ram an i celh hna. Europe lei zong World Cup aa celh kho ding ram zeimawzat zahan zan ah an fiang hna. Group A ah Portugal le Serbia an i celh i Serbia nih 2-1 in Portugal an tei hna caah Serbia hi World Cup celh ding in an tling. Group A pahnihnak Portugal hi playoff an chuih hnu in World Cup an i celh le celh lo ding a fiang te lai.
Europe ram in World Cup aa celh kho ding a fiang cang ram hna cu:- Spain, Italy, Germany, France, Belgiam, Netherlands, Croatia le England hna an si. World Cup celh kho ding in a fiang rihlo mi group cio i pahnihnak nih playoff an chuih lai. Playoff hi group pathum ah an then lai i, cuhna lak in pakhatnak cio nih FIFA World Cup 2022 an chuih te lai.
Leave a Reply