Mipi Ca Riantuan Aa Timh Ruang Phaisa Sui Ngun Chaw Va Tmapi A sung

PDF a luh ruang ah hringtu anu nih rocotu fapa sinak in hlawt mi Ko Shine Htet Zaw – October 2| Bago Ramthen, Pyay Peng, Sandawyat um mi Ko Shine Htet Zaw cu PDF-TC sin a luh ruang ah hringtu anu nih fapa sinak in hlawtnak ca SAC phu media sin ah a thanh. “Zeizongte ka sung dih lai ti hi ka hngalhcia ko, ka nu.

Ka ngaithiam hrimhrim hlah! Nain, rammi mizapi caah adik mi lam ka zawh caah kaa chir ve hrimhrim lo. Kaa thim mi lam hi a dongh tiang ka zulh lai,” tiah Ko Shine Htet Zaw nih a facebook cahmai ah a tial. Hringtu anu nih rocotu fapa sinak in hlawtnak ca a tial mi ah, “Keimah Daw San Nu fapa Shine Htet Zaw cu,.

Ka chimhcawnpiak mi zuul loin a chuak i fapa rocotu sinak in ka hlawt. Hmailei ah a cang ding mi akong he pehtlai in zeihmanh tuanvo ka la lai lo,” tiah a thanh. Ko Shine Htet Zaw cu PDF sin a luh hnu ah Bawmhnak Kawltu Phu ah rian a tuan i PDF a luhnak thla 5 a si cang, tiah Mizzima nih a tial.

Ralhrangbu nih Mon ramkulh ah misual thongtla 195 cu October 1 ah an thlah hna tiah theih a si.Thlahmi thongtla hna cu Mawlamian thonginn၊ Choihmayaw Central thongin le Tathu thongin ah thlakmi hna an si. Thlahmi hna a tam deuh cu lainawng, ziknawh eihmuar, thilfir ruangah a tlami an si tiah Mon ramkulh thonginn palek zung in tuanvo ngei pakhat nih a chim.

Asinain thlahmi hna lakah ralhrang nih nawlngeihnak an lakmi duhlo langhter lamzawhnak ah tlaihmi le 505(a) in tazacuai mi hna cu an i tel lo tiah theih a si. “Lainawng le mifr an thlahmi hna hi mipi himnak caah thinphang a si bantukin sualnak tuah than dingah caantha an pek hna bantuk a si,a ngaingai ti ahcun,an sualpalh zoh in dantatnak pek ding hrimhrim an si.

Sualnak an tuah than lai lo tiah kan chim kho lo.Cucaah thinphang le lungrethei in kan um ko” tiah khuami pakhat nih a chim. Mon ramkulh ah thonginn 10 a um i thongtla 3000 leng an si tiah theih a si tiah Than Lwin Times nih a tial. P

Be the first to comment

Leave a Reply

Your email address will not be published.


*