Miphun Dawtnak A Theih Lomi, A Philh Mi Rampi Hrawh Dingah A phunphun In Aa Zuam Mi Nan Si By Min Aung Hlaing

Ramdang A Phan Mi Pawl Miphun Dawtnak A Thei Lo Tu le Miphun Hrawh Dingah A Phun Phun Aa Zuam Mi Nan Si By Min Aung Hlaing

Ram dang a phan mi hna cu ram mi a philh i, mah chuahsemnak ram a daw lo mi nan si, Myanmar rampi hrawh ding caah tiin zei thil poah in khua a ruat mi nan si tiah” Min Aung hlaing nih a chim. Ram dang a phan mi mino pawl le ramdang ah umhmun a khur mi pawl cu chuahsemnak Myanmar ram , Miphun a philh mi nan si, rampi hrawh ding in a phun phun in nan i zuam tiah Min Aung Hlaing nih a chim.

May thla ni 5 ah Nay pyi Daw ah tuah mi Vuanci zung ton biaruahnak ah a tu bantuk in a chim hi a si. SAC ralhrang Min Aung Hlaing nih ” A atu ah mino pawl lei nih ram dawtnak, mipi dawwtnak thinlung , miphun dawtnak thinglung a tlawm deuh nak kong, ramdang ah a phan mi, A zaam mi micheukhat,

Mi ramdang ah um hmun a khur mi pawl nih mah le chuahsemnak ram , dawtnak thinlung an philh i, Rampi buainak hi an theih loin, Ram dang ah um in, Myanmar ram pi cu hrawh dingah a phunphun in an i zuam nak kong, Cu ruangah chuahsemnak rampi dawtnak thinlung ngeihnak cun, miphun dawtnak ngeih ah cun, Myanmar timi thinphun ngeih ah cun, na theih i ceihhmainak ngeih a herh” ti zong in a chim.

Cu pinah mino pawl nun zia daawh, nun zia a thawtnak le tangdor nun ngeih ding le tangdor nun ngeih in fim teiin um dingah cawnpiak nak cu MRTV le Myawaddy thawngzamh nih theihter nak a tuah tiah theih a si.

 

Relchap, US thithruainak cu achia chin lengmang. President Biden nih cuhlan ah a um bal lomi LGBTQ (Lesbian, gay, bisexual, and transgender)minak nu cu White House Press Secretary ah a lak cang. Cuhlan kumkhat chung White House press secretary atuan mi Psaki hi zeiruangah dah arian in  apeh hnga lo tiah mipi ceihcum atam ngai ngai. Psaki cu Biden nih May 13, in office a chuahtak cang lai ati. Amah hmun Karine Jean-Pierre ka khinh cang. May 13 thawk in White House press secretary cu Karine asi cang lai tiah Biden nih a chim.

Karine hi minak asi I White House  ah amah hi press secretary atuan hmaisabik asi. Biden nih minak nu athimmi Karine hi LGBTQ asi.LGBTQ cu (nu le nu aa duhmi, pa le pa aa duhmi, nudok padok) 100% a dirkamhtu asi. US rampi Republican party nih an huat taktak mi, Bible ca kalh asi tiah ati I, Donald Trump nih adohmi asi.

Taal Le Thlanrawn Kar Kahdohnak Ah SAC Ralkap 10 An Thi. Nihin, May 6 zing slm 10-11 hrawng ah Falam peng Taal le Thlanrawn kar ah SAC ralkap le Chin ralkap an i kap tthan i SAC ralkap a tlawmbik 10 cu an thi lai tiah kan theih., Nizaan,May 5 Falam peng, Tlangzar kahdohnak ah Chin ralkap 10 an nunnak liam ( The Chin Post nih 7 kan fehter khawh) i SAC ralkap 18 an nunnak a liam ve. Nihin, May 6 ah Chin ralkap (CNDF) nih kahdohnak a chuak kho a si caah Hakha le Falam kar hohmanh nih zulh lo ding in mizapi sin theihternak an tuah. Tuni, Kahdohnak ah Chin ralkap thi le hliamtuar um loin hnu an kir kho.

Sagaing ramṭhen Khin U peng Yua Tit Kone (ရွာသစ်ကုန်း) khua ah umhmun a khuar mi SAC ralkap hna cu khua pawng ah raltuk ding in an kal lio ah bomb puah an si i ralkap 19 an thi, tiah Khin U peng thawngzamh sin in theih a si. Nihin May 6 zing Sml 9 tluk ah SAC ralkap 30 fai cu Khin U Support Organization (KSO) nih padeta bomb lung 6 in voi 3 an puah hnawh hna. Ralkap 19 an thih lengah midang 5 cu fak ngai in hliamhma an tuar, tiah theih a si.

Chindwin Tiva Lei In Riahcaw A Phortu Tilawng 3 Tlaih A Si: Sagaing ramṭhen, Chindwin tiva lei in SAC ralkap riahcaw a phortu lawng 3 tlaih an si i riahcaw vialte kan lak dih, tiah DBTF nih thawng an thanh.

May 6 ah Chindwin tiva kam zohfelnak tuah a si lio ah Monywa in Khani(ခန်တီး) lei ah a ra mi thilphor lawng 3 cu Khani um mi SAC ralkap riahcaw chan ding in an ra, ti thawng kan theih caah Dragon Brother Task Force(DBTF) le ṭangrual phu nih kan va kham hmanh hna i kan tlaih manh hna, tiah thawng an thanh.

 

Be the first to comment

Leave a Reply

Your email address will not be published.


*