Kayinni peng Demosho myone Kungta khua ah ralhrang rallokap hna i tlaihkhihnak a tongmi Kayinni mipi kilvengtu KNDF Duh Tatsuhhmu Dawru (20) cu ralhrang rallokap hna i hremnak le tukvelhnak ruangah a nunnak a liam tiah theih asi. Demosho myone Kungta khua, Kyautse khua le Tesulay khua hna ah September 25 zing suimilam 8:45am in zan suimilam 7:00pm tiang faak taktak in kahdohnak a chuak i mah ni ahcun Duh Tatsuhhmu cu an tlaih mi asi.Enter
Ni 25 ah rallokap sitchaung he an i tong i, Kungta khua ah an tlaih. A kut hri in ttem in faak tuk lehpek in an vuak i, faak tuk in an hliamh tiah KNDF thawngthanhnak rianngeitu nih a chim. Kawl ralhrang rallokap hna tuahsernak kong he pehtlai in KNDF thawngthanhnak lei rianngeitu nih ralhrang hna tuahsernak cu a ttha lei chimding a umlonak kong cu tette langhter asi cang. A tu thil an tuahning cu zeitik hmah ah kan cohlang kho lai loh. A tunak faak in lehrulhnak tuah khawh dingin kan i zuam cuahmah lio asi tiah a chim.
UN General Assembly ah Chin Mino pakhat bia chim nak can an pek caah ka lawm ngaingai. UNGA cu an ceihmi a tam, politics, economics, social, health, education, development, ti bantuk a phunphun ceih asi tawn. Kum 2000 hnu in UN nih biapi ngai in ai hmai thlak mi cu “climate change” timi vawlei khuacan aithlen ruang I vawlei pi rawhralh nak (zawtnak tlangrai thalo, tilian, meikang, mincimh, rawl kumvui lo etc.) kan phak nak hnga lo ti kha asi.
Cu tluk in UNGA nih vawlei minung vialte kan himnak caah biapi bik in ai hmaithlak mi issue climate change ah Asia ram vialte mino hna aiawh in Mai Thin Yu Mon (CHRO-Indigenous Peoples Development Program Director) nih biachim nak aneih khawh caah ka lung a hmui ngaingai. Kokek ram nei tu hna nih kan mah kan ram, kan vawlei le kan miphun kong ah mahte khuakhan lairel nak kan neih ding hi abiapi tuk ti kha abiachimmi I a thlurpi cu asi.
UNGA hna I abiapi mi session ah biachim nak can neih khawh hi afawi lo mi asi. A luanci kum 20 lio ah UNGA ah cun ka rak kai I ahnu zong ah k arak kal tawn. Ramkip UN palai pawl he Burma ram kong ah ton biaruah nak le kan siaherh mi chimrel nak kan rak nei ko na in UNGA taktak ah biachim nak can ka rak hmu kho ballo. UNGA ka rak kal hmasa bik can he cun kum 20 renglo asi cang.
Atu ah Chinmi mino te Nu asi chinchap fawn mi nih Burma ram aiawh lawng hmanh silo in Asia ram vialte aiawh in le Kokek ram nei tu hna aiawh in vawleipi hmai ah a biapi taktak mi bia chimnak aneih tik ah ka lawm hringhran. Chin mino mi fimthiam, mi ralttha hna thawng hin vawlei pi hmai ah Chin miphun kan hmai a hngal.
Bochan awk an tlak. Chin mino hna nih hin Chinmi kan zalonnak lampi ah hin chuak lak in nan kan hruai khawh ko lai ti zong ka zumh fawn. Mai Thin Yu Mon hi UNGA ca I timhlamh nak ah Rome I UNFAO nih atuah mi conference le UNGA New York ah pumpak in rak kai dingin an sawm na in tulio ramchung buaibai le riantam ruang ah pumpak in kai lo in Online to in bia achim hi asi. Salai Bawi Lian Mang
Leave a Reply