Nizaan December 19 ni ah Myanmar ramchung ramkulh 7 le ramthen 3 hna ah hramhram nawlngeihnak la tu ralhrang phu hna le mizapi vengtu ralkap phu kar kahdohnak ruangah ralhrang phu lei in minung 216 an thi tiah theih a si. Ralhrang phu in a thimi hna cu Kayin ramkulh in minung 50, Shan ramkulh in minung 70, Sagaing ramthen in minung 80, Magway ramthen in minung 13 le Mandalay ramthen in minung 3 an thi tiah theih a si. Than Lwin Khet
Malaysia ram ah riantuan ding in kal a timmi Myanmar ram mi minung 30 leng cu nizaan December 19 zinglei suimilam 5:30 ah Thai ram Yanawng ramri gate ah tlaih an tong. Phungninglo in ramri a lutmi Myanmar ram minung pa 31 le nu 3 an dihlak minung 34 cu Malaysia ram ah riantuan ding in kal a thawhmi hna cu Thai ram Yanawng ramri gate ah Thai ram security phu hna nih an tlaih hna hi a si.
Malaysia ah riantuan ding in kal aa timmi Myanmar ram minung 34 hna cu minung pakhat nih kalman (puai-sa man)bat 30000 pek in a kalmi an si tiah theih a si. A tu ah tlaihkhih a tongmi hna kong he pehtlai in phungninglo thiltuah dohnak caah u-pa-di ning in hmalak an si lai tiah Thai ram nawlngeitu hna nih an chim.Mizzima, The Chin Post
Leave a Reply