Minung 30 Hrawng Bak An thah Hna

Sagaing ramthen chungah Peng 10 ah internet an phih hnu ah ralhrang kahthah nak in ni 4 chungah a thi mi minung 29 an si cang. Kan langter mi a zat hi pehtlaih khawh mi thawngpang lawng an si i Phone le internet a ngah lo nak hmunhma hna ah kahthah mi hi an tam lai tiah hlat lio a si.

Yinmapin peng Zin Puang Tine khua a rak phan mi ralhrang hna nih a ruang um lo in an kah hna an tlaih hna caah kum 30 hrawng asi mi U Myint Than Oo an ti mi cu an kahthah i a dang cheukhat zong an tlaih hna i an hrem hna. Ralhrang pawl cu Pale, Yinmapin hrawng ah an kal i khuate chung ah lut in an hmuh mi paoh cu an tlaih hna i an hrem hna, an inn hna an hrawh, tamhnak thilri tiang in an chuh hna tiah khuami hn nih an chim.

Minkin peng Tuangtun Chuang hrawng ah mipi vengtu ralkap hna le ralhrangphu , phyosawthi hna kar kahdohnak a um i mipi vengtu ralkap lei in minung 15 an nunnak liam ralhrang lei in 5 nak tlawm lo an thi tiah theih a si. Mah leng ah Pinlaybu peng chungah a thimi le a tlau mi an tam caah ralhrang nih vanlawng in bomb an tlak hna i phone line le internet line an phih caah mipi a hliam mi le a thi cu fiang in theih a si lo.

Khin Oo peng chungah ralhrang thazaang 50 hna nih mawtaw le saikal hmang in Aung Tha, Hman Taw, Cun ley khua hna cu lut in an kah an hrawh hna. Ralhrang nih kah ruang ah mipi 2 anthi i minung 1 a hliam, minung 2 an tlau i a thi mi le a tlau mi hi dodah an si ti theih rih a si lo. Ralhrang hna nih Yinmapin peng chung ah hmunhma la mi ralhrang hna cu BanhBui, Kaan Suh,

Khua hna cu an lut i an hrawh ralkham caah an tlaih mi Sianghleirun siangngakchia pakhat tel in 3 khua leng ah a ruang um lo in an kahthah hna. Nabutaw, Kuih Chuang khua hna ah ralhrang nih zaanah hriamngan he hriam hme he an kah hna caah kum 60 upa tel in minung 5 an thi, 20 leng an i hliam.

Zaan ah khua mi hna cu an zaam.Kalaymyo peng Sianginn chung ah hmunhma khuar mi ralhrang hna nih mi sawh sawh a si mi U Than Theyh Aung le CDM palek Zaw Myo Thuaih hna cu khua hnu lei thlan hmuh ah an tlaih hna i an kal pi an hrem hna i an kahthah hna. Mipi tlaihmii zong an um len. Khit Thit Media

Ralrin Thawngthanhnak Hakha Khua um nule pa ule nau hna- atu hrawng cu khua chung kahdohnak ruang ah thinphang thlalau in kan um i mah inn hmanh ah it ngam loin a himdeuhnak chungkhat hawikom sin ah a riakmi kan tam ngaingai cang. Culawng siloin zan ttim ah innkip milu chek le mi cheu khat tlaih in an kan luhhnawh tik ah kan thin a phang chinchin.

Cucaah hi kong he pehtlai in kan pastorte nih kap hnih tuanvo ngeitu hna he ton biaruahnak ngeih hnu ah a tanglei bantuk in thawng kan in thanh hna. 1. CDF cu zapi himnak a ruatmi le zapi caah riantuanmi an si bantuk in khuachung i kahdohnak a si khawhchung in hrial le zapi harnak phakter loding an kan zuampiak lai.

2. Ralhrang nih khuachung i kahdohnak thok hmasa loding le zapi tlerhkhonhnak, a herh lo ah meithal puahnak tuah loding in i chimhchawnh a si caah thinphangtuk le lautuk in um loding. 3. Ralhrang nih innkip ah vah in chungkhar cazin an chek tik ah ttih lo tein innka hunpiak i ingthawngsuh cazin hmuhsak ding.

Chungkhar minung le sualnak ngeilo mi an tlaih ahcun Rev. Ngun Thawng Mang..092451062 le Rev. Ni Cung Thang.09421158480 sin ah thawng thanh colh ding. 4. Sang dang midang inn ah nan va riah a si ahcun ingthawngsuh cazin i ken ding. 5. Khua dang in Hakha ah a rak i dormi hna nih ingthawngsuh cazin i ken pin ah myone zung ah khualtlung cazin pekding.

6. Khua dang in siseh Hakha khuachung in siseh IDP Camp ah um a duhmi hna nih CCU Baibal sianginn Cawbuk le CCF i camp tuanvo ngeitu sinah pehtlaih in um khawh a si cang (Rev.Thawng Hlei Thang, Rev. Ni Cung Thang). 4. Inn le lo kan zamtaak tikah ralhrang pawl caah caan tha a si i inn le thilri a him lo chinchin caah Hakha khua chuahtaak in khuate lei kalding cu i timh rih loding in kan in sawm fawn hna. Pathian nih in kilveng ko hna seh. Public Relation Team, Hakha

Be the first to comment

Leave a Reply

Your email address will not be published.


*