Minung 30 Citmi Motor Mandalay-Pyin Oo Lwin Lam Ah Fak Tukin Aa Leh!!

 

Tuni zaan lei suimilam 5:00 hrawng ah Mandalay-Pyin Oo Lwin lam 16/3 meng pawng Kyauk Chaw ramri lei kuihnak lam ah ISUZU motor fa te pakhat aa let i minung 30 cuangmi motor cu mei a kang tiah theih a si. thil sining cu meithattu phu moror aiah Say Ya Na Mon motor ( Ung Chaw) an va phak mei cu an rak khah i, Mandalay sizung lei ah Say Ta Na Mon (Ungchaw) mizawn phortu motor pa li,

Tuh Kha Lwin (Kyauk Chaw)  motor pakhat, Tha Waya Lew Thew Phaw Mandalay motor pakhat, Yan Kin Tuh Kha Mandalay motor pakhat hna in Mandalay sizungah an kuat hna tiah theih a si. Motor chungah a cuang mi minung 30 hna laak ah pa  minung 12 le nu minung pa 7 hna nih fak piin hliam an tuar i, a tang mi a dang cu hliam fak an tuar lo tiah theih a si .

Mon ramkulh, Ye peng Kabiakyi(ကဗျာကြီး) khuabawi Pyusawthi hruaitu Hta Way le Lah Wa Ka rianṭuantu pakhat cu Yebilu(ရေးဘီလူး) phu nih nizan May 13 zanlei 6:00 hrawngah an kah thah hna, tiah theih a si. “Hta Way hi hlan piin khuabawi rianṭuan mi a si cang i Hramhram uknak an laak hnu zong in a ṭuan rih. Anih hi pyusawthi an hruaitu zong a si, Nizan May 13 zan sml 6:00 hrawng ah amah le a rianṭuanṭi hawi pakhat cu kan fimhlawm hna. SAC ralkap nih HK meithal an pekmi zong kan laak,” tiah Yebilu hruaitu pa nih a chim.

Pyusawthi hruaitu Hta Way cu kuttang mi tam ngai aa chiah hna. Khua chungah pheh aa kahmi pawl tangka ngunkhuai zong a hal hna, tiah theih a si. “Anih hi kuttang mi minung 8 a ngei mi a si. A kuttang mi 8 cu phe kahnak hmun humhimnak an laak piak hna lioah pyusawthi hruaitu Hta Way kan thah hi a si, tiah Yebilu hruaitu nih cun a chim.

May 12 Yangon ramṭhen, Depauk(ဒေးပေါက်) khuami Hein Thu Ra Aung kum-30 cu hngalh lomi phu nih meithal in voi 4 an kah i a rak thi, tiah theih a si. May 12 ah Mandalay ramṭhen Mittha(မြစ်သာ‌) khuabawi pa zong thah a rak tong.

Yesagyo khua luhnak, Pehtlaihnak zung le Cinthlaknak zung karlak ah mizapi tlerhkhawnh le harnak pek aa timmi SAC ralkap le palik pawl cu nihin May 14 ah Yesagyo PDF nih bomb lung 3 in kan puahhnawh hna, tiah Battalion Commander Hmaing Tey Za(မှိုင်းတေဇ) nih a chim. Nihin zing sml 7:00 hrawng ah bomb in kan puahhnawh hna hi a si. Pakhat khat rallam sial(mission) an i tim zong a si kho men, tiah a chimchap.

“Bomb kan phummi kam an phanh ah a voi hnih kan puahhnawh hna i A voikhatnak kan puah ah lung 2 a puak, a dihlak ah bomb lung 3 a puak. Voihnih kan puahhnawh hna ah SAC ralkap 8 cu an i teng, an tho kho ti lo,” tiah Battalion Commander pa nih cun a chim. SAC ralkap aa hliammi pawl cu mizaw phorhnak mawṭaw nih a rak don hna i an kalpi hna.

“Mizapi hna, SAC ralkap he aa naihnak ah nan um hrimhrim lai lo, anmah he aa hlatnak ah nan um lai. An pawng kam hrawng nan um ahcun kan kah tik hna ah a har ngaingai, tiah Hmaing Tey Za nih a chim. SAC ralkap kuttang rianṭuan mi pawl NUG le PDF sinah i fonh zok u. Mizapi lei nan ṭan lo ahcun dohthlennak a dongh tiang kan in doh hna lai, tiah Hmaing Tey Za nih ralrin a pek hna.