Mino 18 Hna Cu SAC Ralhrang Nih An Mah Pakhat Cio In Thihdan Le Thihhlanlo Thongdan An Pek Hna

Mino 18 Hna Cu SAC Ralhrang Nih An Mah Pakhat Cio In Thihdan Le Thihhlanlo Thongdan An Pek Hna

Yangon ah mino 11 thih hlan lo thongdan an pek hna i minung 7 hna cu thihdan an pek hna hnu cu Myo Okkalapa sianginn cachimtu sayamah thahnak ah an tlaih mi minung pali hna zong thihdan an pek hna tiah theih a si.

Yangon ranthen chungah an tlaih mi hna minung  18 hna cu an hmuh an zoh piak hna i pakhat cio in thihdan le thihhlanlo thongdan an pek hna tiah thawng theih a si.

Dan an pek mi mino hna cu Hlantaya, Kyi Myint Tan, Dagon Seihkam, Myo Okkala hna ah a um mi an si tiah theih a si. Mino 18 hna lah ah minung 11 hna cu thihhlanlo thong dan an pek hna i, minung 7 hna cu thihdan an pek hna tiah theih a si.

Thihhlanlo thongdan an pek mi mino hna cu Hlantaya Yaungkyi Police sakhan an kahdoh, Khuauk Bawi zung cu bomb in an kahdoh, hriamnam an thuh,  Tlangcung hriammtlai hna sinah tintan an kai , dohthlennak a tuah mi pawl he aa pehtlai mi an si tiin SAC ralhtrang nih an ti hna.

Thihdan an pek mi hna minung pa 7 hna cu Hlantaya le Myo Okkala ah a um mi an si i mah chungah minung pathum hna cu khuauk bawi meithal in an kahthah, a tang mi minung pali hna cu Myo Okkalapa sianginn cachim tu an kah thah tiin SAC ralhrang nih an ti hna.  Mah thihdan an pek mi hna lakah nu mino pakhat zong aa tel ve tiah theih a si.

Bamar People’s Liberation Army Manifesto Le Ralkap Cheukhat An Tlaih Hna

Bamar People’s Liberation Army (BPLA) i Manifesto hruaitu a si mi ralkap Su Chit telh in ralkap cheukhat cu ralhrang nih March 9 ah an tlaih hna tiah BPLA nih an thanh.

Ralkap Su Chit hi nuhrin covo lei, ramdaihnak lei ah cawlcang ngai mi le Myanmar hrambunh The Seagull phu in hruaitu hlun zong a si.

Ralkap Su Chit telh in ralkap Han Phyo Aung, ralkap Thein Min San le siibawi nu pakhat hna cu KNLA Brigade 1 hmunhma ah an tlaih hna tiah BPLA nih an thanh.

BPLA cu nawlngeihnak lak a si hnu March thla 2021 ah dirhmi ralhrang uknak duh lo tu hriamtlai an si.

Kayin ramkulh, Phapon pengkomh, Mephaw khua March 11 ah ralhrang hna cu KNU Brigade 5 he an i kap hi kahdohnak ah BPLA an i tel, hi tan ah RPG telh in hriamtling le ralhrang 16 an tlaih hna.

Mon Ramkulh Ah Ralhrang Nih Ti Toih Puai Tuah Dingin Timhlamh

Mon ramkulh ah ralhrang nih tukum ah a phan dingmi Kawl titoih puai tuah dingin timhlamnak an ngei tiah theih a si.

Titoih puai tuah dingin March 17 ah ralhrang ramkulh zung ah tonpumhnak an ngei i titoih puai tuah dingin timhlamhnak an ngei.

Titoih puai tuah dingin boruak hoih in tuah a si lai tiah ralhrang kuttang Sipin zung in tuanvo ngei pakhat nih a chim.

Nikum ah Kawl nunphung titoih puai cu mipi nih duhlonak langhter lamzawhnak in an tuah.

Thawngdang: Myit Gyi Na khua luhnak he meng 21 a hlatnak, SAC ralhrang hngahmi Gate cu KIA le PDF I fonh in an kah hna

Lawngtlai , March 19, 2022 ; Kachin ram Myit Gyi Na – Na Ma Ti {မြစ်ကြီးနား-နမ္မတီးကားလမ်: } motor lam, Myit gyi Na he meng 21 a hlatnak ah a ummi cu , Zinglei suimilam 4: 00 am hrawng ah KIA le PDF i fonh in an kah hna , an i dohnak hi a fak ngaingai , ralhrang lei in helicopter zong an hman tiah theih a si.

KIA le PDF i fonh in an va dohmi gate hi SAC ralhrang phu pawl buk an chiahnak pakhat a si.

Suimilam 1 chung hrawng kahdohnak a fah hnu ah Moe Kaung{မိုးကောင်း} peng, Ma Ryin {မရမ်းကျေး} khua lei in ခလရ{ 260 } battalion nih raltuknak helicopter hmangin KIA le PDF umnak leikap cu voihnih an va kah hna tiah theih a si.

Hi i tukdohnak ah minung zeizahdah an thi le an nunnak a liam timi tucu fiang in theih khawh a si rih loh.
Crd- KTM