Tuni SAC RAlhrang Le CDF-Mindat Karah Kahdohnak fak piin a chuak.
Tuni SAC ralhrang le Mindat-CD karah kahdohnak fak piin a chuah caah SAC ralhrang lei minung 10 lenglo an nunnak a liam i hliamhma a tuar mi an tam tiah theih a si. Meng tung-25 wh tuni suimilam 11:00 hrawngah SAC ralhrang le Mindat-CDF karhah kahdohnak a chuah i. CDF-Mindat nih a mawng an um mi methal, RPG hna zongin an kahdoh hna i SAC ralhrang minung 10 hrawng an nunnak a liam tiah theih a si.
Cu lio ah Mai (bomb) chiahnak ah a rak lut mi SAC ralhrang ralkap thazaang 20 hrawng cu tlamtling tein bomb puah hnawh an si i, tampi an nunnak a liam i, tampi nih hlaim an tuar lai tiah an ruahnak kong, Mei Tung-24 zongah SAC ralhrang ralkap Thazang 30 hrawng cu bomb chiahnak lei ah an rak luh hoi i, bomb in puah hnawh hna i tampi an thi lai tiah an ruahnak kong cu CDF-Mindat nih thanhnak a tuah.
Relchap, Sagaing ramthen, Yinmapin myo nichuah lei meng 8 hrawng hlat ah a um mi Shwe Pan Khaing khua i hmun a khuar mi SAC ralkap cu mizapi vengtu ralkap nih May 8 zaanlei sml.3 hrawng in an kah hna. Mah kahdohnak ah cun SAC ralkap 10 hrawng an thi kho men, mizapi vengtu phu lei hliamtuar um lo in hnu kan pil kho tiah mizapi vengtu phu chungtel pakhat nih a chim. (Pehchap) Ann um mi inn 300 hrawng cu kan hmun ah nan sak mi si tiah SAC nih umhmun țhial dingah a timtuah Rakhine ramkulh, Ann peng um minung um nak inn le dawr khan 300 hrawng cu kan hmunhma nan kan en tiah May 21 a hnu bik chiah in i țhial dingah SAC nih nawl a chuah kong theih a si.
SAC nih Ann peng um GAD zung hlun hmunhma he aa neihniam mi vawlei, palik sakhan țhing he aa neih mi hmunhma, siizung pawngkam, KMY (371) battalion pawngkam, Ann vanlawng aa dinh nak hmun le a pawngkam hmunhma um dawr khan le inn, a dihlak fonh 300 hrawng cu i țhial dingah nawl a chuah hi a si. Mah inn pawl cu a caan tlin hlan i nan țhial lo a si ah cun taza kan in cuai hna lai tiah pehzulh in tlerh khawn nak a um caah kan țheh hi a si tiah inn țhet tu pakhat sin in theih a si. “Țheh ti cun kan țheh ko hna.Nan țheh lo cun taza cuai nan si lai an kan ti i kan țih. Vawlei cawh nak seh zong in kan hrawh lai tiah a phunphun in an kan tlerh khawn caah thinphang le țih bu ten inn cu kan țheh hna.Inn sak țhan nak ding hmunhma zong kan ngei ti lo.A tu hi umnak hmun kan ngei ti lo” tiah inn a țhet mi chung pakhat nih a chim.
KMY 371 pawngkam um inn hna cu March thla in țheh an thawk hna i khuabawi zung um dawr khan hna le inn hna cu April 30 hnu bik chiah in an țheh hna hi a si. Ann vanlawng dinh nak pawngkam um inn pawl cu May thla 21 hnu bik chiah in an țheh hna kong theih a si. A tu caan cun a dihlak fonh ah inn 100 reng lo hrawng an țheh cang tiah Ann myo khuami pakhat sin in theih a si. “ An mah nih Ralkap hmunhma a si tiah March thla khan an kan țheh ter.A tu hi vanlawng țumnak pawngkam ah a um mi inn pawl hneknak le rihnak pek in an țheh ter hna.Ralkap hmun cu a tu ah hauhruang an kulh.Hauhruang an kulh hlan ah ralkap nih an lak mi vawlei hmun cu mizapi (lothlo) hna nih hmunkhat ah i fonh in an rak hal mi zong a um. Asinain ralkap nih a hlan i an lak lo zongah a tu kan lak tiah minung umnak hmun tiang zuah lo in an lak mi zong a um” tiah Ann myo khuami nih a chim.
SAC nih tubantuk in minung umnak inn an țhial ter hna nain zei bawmhnak hmanh pek a um lo kong le inn țheh ter a tong mi hna cu din ei le țhutdirnak ah harsatnak an ton kong khuami chim ning in theih a si. “ Umnak hmun kan nei rih lo.Din ei le hrukaih nak zong ah harsatnak kan tong.Ruah zong pehzulh in a sur caah a hlei in harsatnak kan tong.Zei hmanh chim duhnak lungthin a chuak kho ti lo” tiah vanlawng țum nak pawngkam i inn țheh a tong ve mi nu pakhat nih a chim. Tubantuk i SAC nih a țhial ter mi hmun cheukhat cu a hlan ah hmun lawng a rak si i Ann peng i harsa mi hna nih an rak thianh i inn lo an sak i an um nak hmun a si kong kan theih.
Relchih, Pop star minthang Thang Paa Line cungah ” Ka Nu Ka Nu” tiin nan post mi nak kha in cun a tak ah, a lengah na nu kha aa lom dingin a chia kho mi fa le si hram uh( online facebook cungah ka nu ka nu tiah post nan tial mi nak cha in cun, a lengah nan nu le te kha nuam te in chia deuh hna uh), Ka nunnak ah ka nu nih a ka chimh mi bia pakhat nih kan chim hna lai.
ka nu nih ” Ka hri mi hi kaa nua m tuk, kaa lungsi tuk, a lomh zong kaa lom tuk” tiah a ka ti. Ka nu nih a ka liam tak hlan zarkhat hlan ah, ka nu nih mah bia te a ka chimh mi nih kei mah zong ka nu a biachim mi te rungah a tu ah cun ka nunnak , sining tlam a tling cang.” tiah a facebook cahmai ah a lannghter.
Leave a Reply