NLD cozah chan ah cawi a rak simi tangka pawl cham ṭhan a hau rih lo tiah Mindat mipi uknak phu nih an thanh. Myaseinyaung tangka cawimi, furcaan cinthlaknak caah cawimi, Cooperative ah cawimi tiah cozah sin ah rak cawi a simi tangka vialte cham ṭhan ding in SAC nih a hnek hna tiah theih a si i a tulio cu SAC nih hramhram in uknak a lakmi ram pumpi in doh a si. Mindat peng mipi hna nih SAC he pehtlai in tangka cham a hau rih lo, dothlennak a dih hnu cozah thar a dir ṭhan tikah cawimi tangka pawl chamnak ceih ṭhan a si te lai.
Cun, zuatkhalhnak ding ah pek a simi sia pawl he pehtlai in Livestock and Medical Department Non-CDM pawl nih an rak i thlakmi bia pawl zong zeihmanh relpiak lo ding in Mindat mipi uknak phu nih a thanh. Sia pawl cu NLD chan ah khuami hna nih zohkhenh ding in pek a si i a tu cu Mindat mipi uknak phu ta a si tiah lak an si cang caah a zuami hna zong nih mah miaknak caah hman lo ding in thanh a si. Mindat mipi uknak phu cu SAC doh hnu ah a voikhatnak bik dirhmi mipi uknak phu pakhat a si ve.The Chinland Post
Relchap>>>>Shan ramkulh chaklei NaungCho(နောင်ချို) pengkomh mizapi hriamtlai PDF pawl raltuknak in an kir lei ah ruahlo piin bomb a puah caah PDF pahnih an nunnak liam tiah theih asi. Nizan April 20 zing aml 5 :00 hrawngah an pahnih in NaungCho Economic Bank cu kutser bomb in ralrin an va pek hna lioah Bank hngak SAC ralkap pawl nih an kah hna caah an zaam, Cu an zaam lioah a tang rihmi an i putmi bomb cu a puak i an thih hi a si, tiah NaungCho PDF he naihniam pakhat nih a chim.
A nunnak liammi pakhat hi NaungCho pengkomh Department of Land Management & Statistics (မြေစာရင်း) ah a rak ṭuan i, CDM a tuahmi a si ,a hawipa belte hi mizei a si kan hngal kho rih lo tiah a chim. NaungCho khua chung ah SAC ralkap pawl nih, chekhlatnak an tuah hna i a thimi hna an inn zongah chekhlatnak an va tuah tiah kan theih.
Malaysia Ah Hrenkhumh Mi Rohingyi Minung 500 Leng An Zaam, Malaylsia ram ah a um mi minung luhnak hlethlainak sakhan ah phung ning loin a lut mi a um mi Rohingya minung 500 leng cu April ni 20 ah an zam dih tiah Malaysia cozah nih thawng thanh nak a tuah. Penang ah aum mi Sungai Bakap sakhan ah phihkhum mi a zzaam mi hi minung 528 an si tiah Malaysia mi luhchuak hlethlai nak zungin President Khairul Dzaimee Daud nih a chim.
Mah thil sining hi April ni 20 Suimilam 4:30 ah mah thil hi acang mi a si i sakhan kutkaa pawl le phihkham mi pawl zong an hrawh dih a rawk dih i an zaam an tlik nak hi a si tiah a chim. Mah sakhan hi Kida ram le Penang pawngah a um mi a si i a buaitlak in chim ah cun phung ning loin a lut mi pawl an hren nak hmun (lah Wah Kah) sakhan hmun pakhat a si tiah theih a si.
Hrenkhumh a si mi ralzaam pawl cu an thutumnak a thur hnawm tuk ruangah a tu bantuk in an tlik zaam nak hi a si tiah thawngpang hna a leng. Tuni suimilam 10:00 tiang ah a tlik zaam mi chungin minung 362 pahnih an tlaih than hna tiah theih a si i a tang mi pawl zong tlaih tthan hna dingin kawl cuahmah an si tiah Khairul Dzaimee Daud nih a chim. Ced-CNA
Leave a Reply