Mindat cu rallokap nih ralhmai hmunthum in an kalhnawh hna caah kahnak cu a fak chin lengmang i August 15 le August 16 zinglei ah kahdohnak pehzulh in um tiah Mindat CDF tuanvo ngei tu pakhat nih a chim.
Ralhrang phu cu Mindat – Matupi lam 14 mile ah ralphu pakhat, Mindat chaklei SinhHmui khua le Mwe Twe khua ah ralphu pakhat veve then in a zapi ralhmai pathum in Mindat PDF cu an doh hna.
Rallokap thazaang 250 leng hmang in hriamngan in voi tamtuk an kan kah tiah Mindat CDF tuanvo ngei tu nih a chim.
August 15 i kahnak ahhin rallokap minung 20 hrawng an thi i Mindat CDF lei in a nunnak liam mi an um lo tiah a chim.
Mindat ah April thla thok in kahdohnak pehzulh in a um i June 23 ni ah rallokap le Mindat CDF hna cu mipi zawnruahnak he kahdeihnak an tuah
August 12 thok in rallokap nih an rak kah than hna i rallokap thazaang tam ngai in Mindat CDF cu tei khawh an i zuam tiah Mindat CDF tuanvo ngei tu nih a chim.
Mindat khuami mipi hna cu kahdohnak ruang ah harnak tampi an tong ko nain a thatnak bik ah doh khawh nak ding ah kan i zuam ko tiah Mindat CDF tuanvo ngeitu nih a chim.
April in a thok in Mindat ah i khanak ruangah rallokap minung 200 leng an thi i Mindat CDF minung 30 leng an nunnak a liam.
The Chin Post
Leave a Reply