Min Aung Hliang Nih Zei Ruaram Lo Lawngte Nan Si A Tih!!

Kawlrampi nawlngeihnak aahruhpi mi Min Aung Hlaing nih Pathein i a tlawnnak ah a akut tang pawl biaruahnak, biacahnak angei hna i cu ahcun Myanmar mipi pawl cu fim cawnnak lei hi biapi ah an chiah lo ruangah an hrut dih tiah achim. Min Aung Hlaing nih cun Myanmar ram chungah a um mi mipi lakin cheukhat cu ramkhel kongkau a thei mi an um nain, cheukhat cu zeihmanh thei bak lo in aum mi an um ve. Ram khel kong theih lo cu fimnak he aa pehtlami zong a si i, a dik lo zawngin ram konglam chim in forhtu zong an tam chinchin nak asi.

Kan ram fim cawnnak cu kum fa tin in kan ttum deuh deuh i, mifim mithiam kan ngei mi an tlawm deuhdeuh. Fimcawnnak biapi ah kan ruah lo ruangah kan theihnak le fimnak zong kan ngei lo. A tu i dirhmun in rampi kan hruainak aruang bik cu asi lo kho lo si caah a si i, cucu ralkap pawl nih nan thiehfiang a hau. Mipi cu fimcawnnak biapi ah anchiah lo ruangah an hruh dih cang, tiah akut tang sinah cun achim.

Ralhrang ralkap hotu Min Aung Hlaing cu July 4 ah Patthein ah khua ava tlawng i Pathein I acawlcangh nak le abia chim mi pawl cu July 5 ah ralhrang thawnagthanh newspaper Kyimung in an chuah piak. Tahan Thlanmual Hlunah Ralhrang Pawl An Um – Kalaymyo Tahan veng thlanmual hlun ti zong in an uahmi Kawlkulh Covid 19 center ah ralhrang pawl umhmun an khuar i, ralthuam le eidin chuekhat an lut pi len tiah theih asi. Ralhrang pawl cu July 5 zingah covid 19 Center ah an lut i, Kawlkulh le Varpi lei in Tahan lei ah a lut ton mi Mipi ralkap pawl kham an timh a siko lai tiah zumh asi.

Tahan i aum mi pakhat nih achim ning ah cun Ralhrang pawl hi zeitik tiang an um lai timi cu kan thei lo. Asi nain, mawtaw pi in thil tam ngai an phurh i ralthuam le eidin a siko lai tiah achim. Atu bantuk in an um nak hi cu Kawlkulh le Varpi lei in mipi ralkap pawl Tahan ah a lut kho lo dingin kham an timh siko lai. Mipi ralkap lei zeitin an cawlcangh ve lai ti cu theih khawh asi ve rih lo. Asinan, kahdohnak cu achuak colh ko lai tiah chim chap.

Yangon Ah Li A Hnin – July 5, zinglei suimilam 7:39 hrawngah yangon Hlaing myone in meng 1 hrawng ahlat nak ah li aa hnin i, Yangon chungin myone 4 hna nih hi li hnin cu an theih. Magnitude 3.0 hrawng atthawng mi in li hnin a si nain, khuapi chung asi caah a hmun i a um pawl caah cun ttih anung ko. Zingah a tho rih lo mi plaw zong a hlauh dih hna i, sangcheu khat cu thinphang in aleng ah achuak mi zong an um tiah theih asi.Mipi Ralkap hna caah Diamond kutdawnghrolh apek hna – Sagaing ramthen Kalay peng NLD hlutdaw palai hlun pakhat Daw Thant Wai Kyaw nih amah pumpak ngeihmi diamond kutdawnghrolh cu mipi ralkap caah a zuar i, a man dihlak cu aza tein apek dihlai.

Daw Thant Wai Kyaw cu ralhrang ni rampi nawl ngeihnak an lak hnuah asi khawh chung in ralhrang uknak arak dotu a si ve i, inn zongah um ngam loin Kalay i a innpi zong achuah tak nak asau ngai cang mi asi. Ralhrang uknak adotu a si lawng si lo in ralhrang huat tukmi NLD palai a si ruangah ralhrang nih cun Kalay i a inn pi zong akhar piak cang.A tu ah Diamond kutdawnghrolh cu ting 15 kyats in azuar i, Australia i Myanmar mi pakhat nihcun ting 20 in cawk angamh nak kong cu achim cang. Midang pakhat zong nih cun a ho dah a ngamsang bik kan i zuam lai tiah a rak bawh cia ve.

Daw Thant Wai Kyaw nih Ka dawnghrolh cu Mogok lungmansung le sui tleu dawh hmangin sermi a si i, keimah duhning (seihceih)in ka siam ter mi a si. Atu ka kutdawnghrolh in ka hmuh mi tangka ka hmuh mi vialte cu ka duhnak mipi ralkap umnak hmun le ralzam pawl umnak hmunah ka pe lai. Cun a caw tu sinah aphaan hrimhrim ding a si, tiah achim.

Sagaing Ramṭhen Ah Ramdang Kal Ding In Mino Sing 1 Leng Nih Passport An Sawk! Sagaing ramṭhen ah mino sing 1 leng nih ramdang ah kal in, rian an ṭuan khawh nakhnga tukum hramthok khan passport an sawk hna, tiah Sagaing ramṭhen passport pekchuahnak zung i rianṭuantu hna sin in theih a si. “Nikhat ah minung 200 leng passpost tuah ding in ah an ra i, ramdang ah rianṭuan ding in a sawk mi an si hna, a tam deoh cu mino an si,” tiah Monywa passport pekchuahnak zung i rianṭuantu pakhat nih cun a chim.

Passport ser aa tim mi Depeyin peng mino pakhat nih, “Covid a chuah hlan khan rawl dawr (restaurant) ah rian kan ṭuan i, Covid zawtnak a chuah hnu 2020 in rian kan i din, kaa dinhnak kum 3 a si cang caah Thailand ah rianṭuan kan i tim, a bu in kan kal lai, kannih bu hi minung 80 leng kan si,” tiah a chim. Monywa i passport pekchuahnak zung an on ni poh ah passport aa tuah mi cu nifatin minung 200 leng an um. Cu hna lak ah cun rambuai ruangah harnak a tong mi mino tampi an um, tiah zung rianṭuantu hna nih an chim.

Mino hna ramdang chuah kong he pehtlai in Yinmapin peng in mino pakhat nih, “Mino pohpoh cu dohtlennak ah i tel ding in nawl chuah a si, nain a ngandam deoh mi hna lawng dohthlennak ah an i tel kho i, a tlinh lo mi cu ralzaam dirhmun phak a si. Khuachung ah rian ṭuan awk a har pinah khualei i kir khawh a si ti lo caah ramdang chuak kan tam nak hi a si,” tiah a chim ve.

Passport tuah ding in a kal mi hna cu Butalin (ဘုတလင်), Chaung U, Khin U, Ye U, Tanhse, Kanhbalu(ကန့်ဘလူ), Myinkin(မင်းကင်း), Kalay, Kani, Yinmapin le Salingyi(ဆားလင်းကြီး) peng hna in an si tiah theih a si. Yangon le Mandalay khuapi i passport pekchuahnak zung zong ah passport tuah aa tim mi an tam ngai, tiah theih a si. Yangon i Korea, Malaysia, Japan le Singapore Embassy zong ah an ram luhkhawhnak(visa) a sawk mi an tam ngai, tiah theih a si. Cred : The Chin Post

Be the first to comment

Leave a Reply

Your email address will not be published.


*