Min Aung Hliang Le A Chungkhar Zaan Ih Kho Loin A Tuahtu Thawngpang!

Magwe Ramṭhen Minbu Kahdohnak Ah SAC Ralkap 33 An Thi! + Tanintharyi Ramṭhen Zong Ah SAC Ralkap 30 Hrawng An Thi
==================================
Magwe Ramṭhen Minbu Kahdohnak Ah SAC Ralkap 33 An Thi!: Magwe ramṭhen, Minbu peng ah SAC Ralkap le PDF- Western Regional Miritary hna cu July 20 i an i kah hnu in, July 21 ah PDF nih bomb an puahhnawh rih hna caah SAC ralkap 33 nak tlawm lo an thi lai, tiah PDF-Western Regional Military Headquarty nih an thanh.

Minbu pengkomh Pathein-Monywa lam nitlaklei Hnahmahtaung(နှမတောင်) tlang karlak ah a ummi PDF-West Regional camp pakhat cu July 20 zaanlei Sml 4 tluk ahkhan SAC ralkap 400 hrawng nih an kal hnawh hna. Western Regional Military Headquarter i security a latu PDF hna he an i tong i kaphnih kar kahdohnak a chuak. PDF pakhat hliam a tuar i SAC ralkap 30 leng an thi, tiah PDF-Western Military Headquarter nih an thanh.

SAC ralkap hna cu kahdohnak a dih in kahdohnak hmun pawngkam khua ah an lut i innlo an hrawh caah khuami hna cu a himnak hmun panh in an zaam, tiah theih a si.

Tanintharyi Ramṭhen Ah SAC Ralkap Motor Bomb Puahhnawh An Tong I, Ralkap 30 Hrawng An Thi!: Taningtari ramṭhen Dawai(ထားဝယ်) peng le Palaw peng ah SAC ralkap motor run cu bomb puahhnawh an ton caah ralkap 29 an thi i, hliamhma tuar zong an tam, tiah tualchung hriamtlai phu lei nih an chim.

Nizan July 20, zaanlei suimilam 3:00 ah SAC ralkap nih zulhmi motor 19 cu Dawai(ထားဝယ်) peng Pa Khat(ပခပ်) khua le Wat Tae(ဝက်သေ) khua pawng ah voihnih tiang bomb puahhnawh an tong i, cuka hmun ah cun SAC ralkap 24 an thih lengah 10 nak tlawm lo hliamhma an tuar lai, tiah tualchung hriamtlai phu nih an thanh.

Cu bantuk in Myait pengkomh Palaw peng PawatKung (ပဝတ်ကုန်း) khua pawng zong ah SAC ralkap hna cu July 19, zinglei ahkhan Palaw tualchung hriamtlai phu PPDF, Tanintharyi hriamtlai phu, Ghost Ranger le King Cobra phufonh hna nih bomb an puahhnawh hna. Cu bomb puahnak ah cun SAC ralkap 5 an thi i, midang 5 hliamhma an tuar, tiah theih a si.

NwaHtoegyi Ah SAC Ralkap An I Cit Mi Mawțaw Bomb Puahnawh An Tong 3 An Thi, Mandalay ț, NwaHtoegyi peng ah SAC ralkap nih an i citmi mawraw pakhat cu nizaan, July 20 zanlei Sml 6:00 ah NwaHtoegyi PDF nih bomb kan puah hna i 3 an thi tiah NwaHtoegyi PDF nih an thanh. SAC ralkap 8 nih an i citmi Bus pakhat cu NwaHtoegyi in Watlat khua lei a kal lio bomb 2 in an puahhnawh hna hi a si. Mithmu tu tualchung mi hna nih SAC ralkap 3 an thi tiah an kan chimh tiah NwaHtoegyi PDF nih cun an langhter.

Tamu Ah Zu Dawr Ngeitu Meithal Tlai Pakhat Nih A Kahthah, Phaisa A Chuh , Sagaing Ramțhen, Tamu Khuapi Myoma -13 Sang , NaanMarLung meithat zung kam ah U Zaw Myo Aung @ Yaw Tha cu nizaan July 20 zaanlei sml 5:00 hrawng ah meithal ai tlaihmi pakhat nih a dawrchung ah a kahthah. Dawr ngei tupa hi a dawr ahhin Pyisawtee pawl an lutchuak ngai, A lu ah a kahthah i phaisa zong a lak tiah khuami palhat nih a chim. A ruak cu Tamu mibawmchantu bu nih siizung ah an kalpi.

NwaHtoegyi Ah SAC Ralkap An I Cit Mi Mawțaw Bomb Puahnawh An Tong 3 An Thi, Mandalay ț, NwaHtoegyi peng ah SAC ralkap nih an i citmi mawraw pakhat cu nizaan, July 20 zanlei Sml 6:00 ah NwaHtoegyi PDF nih bomb kan puah hna i 3 an thi tiah NwaHtoegyi PDF nih an thanh. SAC ralkap 8 nih an i citmi Bus pakhat cu NwaHtoegyi in Watlat khua lei a kal lio bomb 2 in an puahhnawh hna hi a si. Mithmu tu tualchung mi hna nih SAC ralkap 3 an thi tiah an kan chimh tiah NwaHtoegyi PDF nih cun an langhter.

Relchap, HIMARS hriamnam 4 in Ukraine kan kuat chap lai, tiin US Defense Secretary Lloyd Austin nih Wednesday ah thawng a thanh. Lamhla kahnak US hriamnam hi hmual an ngei taktak khi si, Russia nih an celh ruam lo, tiin Ukraine officials nih an thangthat ngaingai, ti asi.

Ukraine Defense Contact Group meeting an tuah lio ah a tu bantukin Austin nih thawng a thanh hi a si. “Kan kuat cia mi kan HIMARS hi Zelensky a ralkap pawl nih hmualngei ngaiin an hman i, ral tei khawhnak dingah a thathnem ngaingai hna,” tiin Austin nih a chim.
HIMARS 4 a kuat chap ah cun, a dihlak ah 16 an i ngeih cang lai, tinak a si. Cun, Biden cozah nih HIMARS zenkuan siseh, guided miakpi bomb, raltuknak mawtaw le a dang lakhruat in herhhaimi vialte zong tamdeuh in a rauhhlan ah kuat dingin timhlamhnak a ngei, tiin Austin nih a chim.

HIMARS kan sin a phak le cangka Russia ralkap pawl an thin lawng a phang ko cang, tiin Luhansk pengukbawi Serhiy Gaidai nih Newsweek ah a chim. HIMARS hriamnam hi lamhla kahkhawhnak rocket system a si bantuk in Russia kan dohnak ah thilsining a thleng khotu hriamnam tha a si, tiin Ukraine Defense Minister Oleksii Reznikov nih The Wall Street Journal he interview tuahnak ah a chim ve.

Ukraine nih amah le mah ai runven khawhnak dingah tuanbia chung tial awk tlak tein runvennak hriamnaam pehzulh tein kan bomh ko rih lai, tiin Austin nih a chim. UK sinin M270 Multiple Launch Rocket Systems zong Ukraine nih an hmuh cang. Cun Germany sin zongin hriamnam ngan a phan chom ding a si, tiin Austin nih a chim.

“Poland zong nih 155 mm Howitsers miakpi battalion 3 a kuat cang hna. Cu miakpi pawl cu ralhrahnak hmun ah an i thathnempi ngaingai. HIMARS, M270 le 155mm miakpi pawl hi Ukraine ralkap nih a hman zia an thiam ngaingai manh cang,” tiin Austin nih a chim. UK sinin M270 MLRS cu Friday ah khan kan sin a phan kho cang. Hi hriamnam hi HIMARS he biataktein rian a tlam a tlinh kho ding hriamnam tha a si, tiin Ukraine Defense Minister Reznikov nih a chim.

Western nih Ukraine hriamnam an bomhmi kong i an lungre a theihnak kong Russia tanhtu pawl nih an langhter len ve. Western nih an bomhmi hriamnam Ukraine nih ai hman hnu ah Russia nih a minung le a hriamnam tamtuk a sung manh cang, tiin 2014 lio i Russia a tanh taktaktu khahlan Russia intelligence official Igor Girkin nih the Moscow Times ah a chim.

“HIMARS missile an hmual hi Russia air defense systems nih a kham kho ti lo,” tiin Girkin nih The Moscow Times ah a chim.
Western hriamnam pawl zeitluk hmual ngei a sinak kong Russia ralkap kong i minthang taktak asi mi, mifim Igor Korotchenko nih a chim bal.

“Western nih an hriamnam an kuat chap luaimai rih a si ah cun, Ukraine kan hluhhnawhnak rian hi a tlam tlinh kho lo lakah in an kan tuaitam te lai” tiin Kremlin-run TV ah Korotchenko nih a chim. Cu a chimmi cu Russia politic thatlonak kong a thei taktakmi Julia Davis nih Tweeter ah a tar chin, tiah theih a si. Hi kongah Newsweek nih Russia Foreign ministry thawngpang a hal nain lehnak a um rih lo.