Pasal Tha Hna Nih Min Aung Hlaing Sakhan 2 An Lak

Kachin ramkulh Moengyin pengkomh Sa-hmaw Kayinmyian khua ah hmunhma a khuarmi ralrhang khah-mah-yiah (383) le khah-mah-yiah (384) cu KIA le PDF nih Dec 24, tuzing zinglei ah an doh i an lak khawh tiah theih a si. KIO in Information Department nawlngeitu Bohmugyi Naw Bo nih “Ralhrang sakhan pahnih cu kan lak i mei in kan khangh” tiah a chim.

Ralhrang sakhan a doh i a latu hna cu KIA Brigade 9 tang i battalion 44 le Kachin ramkulh PDF hna an si. Kahdohnak a dih hnu zinglei suimilam 5 hrawngah ah ralhrang Helicopter pakhat nih voi 5 a lak hna i ralhrang lei a thimi an tam ruangah a si lai, tiah khuami pakhat nih a chim. Ref: Kachinwaves

Paku, nitlak lei, MoNyo khuapi, Swe Oo Duang veng ah a um mi NLD party zung cu December 23 zinglei sml 1:00 hrawng ah hriamnam i put in thilthuam sawhsawh a hruk mi mi phu pakhat nih an hrawh tiah kan theih. ” Phyo Saw Htee maw an si ralhrang dah kan thei lo minung 5 an si. Cycle 2 in a rak ra. Inn kulh mi haukaa cu an hrawh i zung chung thilri hna cu an hrawh dih. Zung chung an luh lio ah hin mei a mit “, tiah a neihniam mi pakhat nih a chim.

Ralhrang nih nawlngeihnak an lak hnu thok in mi an um lo nak le zung an khar nak hi thla 9 hrawng a si cang. Zung chung lut mi hna nih zung chung cu bomb an hmanh tiah bia chawkvai a chuah ruang ah ho hmanh nih an va zoh ngam lo tiah theih a si. A luan cia December 13 ni ah LatPaTan khuapi, peng NLD party zung zong theih lo mi hna nih an hrawh bal tiah theih a si. DVB, The Chin Post

Be the first to comment

Leave a Reply

Your email address will not be published.


*