Min Aung Hlaing Thil Tuah Cu Vawilei Pi Theih In Hitin An Langhter Cang

Nihin Min Aung Hliang sualnak, Ngakchia le Tar telh in minung 30 leng a thah hna i mei in a khangh hna nak kong cu Vawlei cung Media ngan taktak a simi Aljazeera nih Vawleipi theih in a phozar ko cang. December 25, 2021 nihin ah SAC ralhrang hna nih Karen ram, Mo So village pawng ah ah ralzam dirhmun in a um mi minung 35 hna cu SAC ralhrang nih tuksapur in an thah hna hnu ah an ruak pawl zong mei in an khangh hna hi asi.

An thah mi hna chung ah hin Nu le Ngakchia pin ah Pitar le Putar zong an i tel ti asi. Nihin ah sualnak ngei lo minung 35 thah an si pin ah an ruak tiang Mei khangh an si mi kong ah Karenni Human Rights Group zong nih faak ngai in an duh lonak cathanh an chuah ve cang. Minung thinlung a ngei lomi an si, minung tuah in an kan tuah lo, tuksapur in an kan thah i kan ruak tiang mei in an kan khangh tiah Karenni Human Rights Group nih cun an langhter hi asi.

Karenni Human Rights Group cachuah mi cu vawleicung Media ngan taktak a simi Aljazeera zong nih a lak colh ve i vawleipi theih in SAC ralhrang, Min Aung Hliang sualnak kong cu a tarlangh colh hi asi. Hi kong ah NUG Cozah zong nih faak ngai in an lungfahnak cathanh an chuah colh ve. Minung sualnak ngei lo tuksapur in thah le ruak tiang mei khangh hi ralhrang cawlcanghnak hmanh ah a chiakha tuk mi a si,

Vawleicung phunglam ning zong in ngaihthiam awk a tha lomi cawlcanghnak, cohlan awk a tha lomi a si tiah NUG Cozah zong nih an langhter ve. Nihin SAC ralhang thiltuah kong cu Vawleipi Media ngan taktak a simi Aljeezara nih a tarlangh hnu ah vawlei pi nih an hun hmuh cio hi asi.