Magway ramthen,Yesagyo pengkulh ah a um mi Ralhrang Police Sakhan cu nihin chun ah PDF pasaltha rual nih an doh i Sakhan an lak lawng si loin, Meithal hriamnam le thil biapi deuh mi an lak hnu ah Sakhan cu an khangh tiah People Media nih a langhter.Nihin November 18, 2021 zaanlei suimilam 2:00PM hrawng ah Yesagyo People Defense Force (PDF) nih Sakhan cu an kah. Hi kahnak ah Ralhrang police lei minung (2) an thi i a dang pawl an zaam dih tiah Khit Thit Media nih alanghter ve.
Ralhrang Police pawl cu an zaam dih, cu hnu ah PDF nih Sakhan cu an luh hnawh i Ralhrang lei Motorcycle le a dang thilri vialte an khangh piak dih hna. Cun thil biapi, catlap zeimaw le Meithal hriamnam tibantuk pawl cu PDF nih an lak hi asi. Atu Sakhan PDF nih an lak mi ah hin SAC ralhrang pawl an um ve, ralhrang le Police i cawh in an umnak a si. PDF pasaltha rual nih chunlai bak ah an luh hnawh hna i an kah hna hnu ah Sakhan tiang an lak hi asi.
Mandalay ramthen, Pyawbuai khua pawng ralhrang phu hna caah riahcaw phorhpiak tu tlanglawng cu, bomb puahhnawh in doh an ton caah tlawnglawng cung riantuan minung 2 an thi tiah khuachung mi nih an chim. November 17, zaan suimilam 7:00 hrawngah Mandalay ramthen Pyawbuai khua pawng ralhrang phu ca riahcaw phortu tlanglawng cu bomb puahhnawh an tong. Cun Pyawbuai le Shweda kar hleidonh cu bomb in an puah caah tlawnglawng sehlei tlaitu bawi pakhat le mei tlai tu pakhat fakngai in hliam an tuar.
Tlanglawng a cheu cu khor chung ah a tla tiah theih a si. “Pyawbuai le Shweda tlanglawng dinhhmun kar tlawnglawng lam cu bomb puahhnawh a ton caah tlanglawng a lu cu hleidonh tang ah a tlak caah a mawngtu pakhat le seh sertu pakhat an thi.Mei lei tlaitu pakhat le bawi pakhat cu an hliamhma a fak ngai” tiah tlawnglawng cung riantuan tu pakhat nih a chim. A dang tlanglawng cung riantuan minung 2 hna zongfakngai in hliamhma an tuar caah Naypyidaw sizung ah an thlop hna tiah theih a si. Khit Thit Media
Leave a Reply