Min Aung Hlaing Ruangah Ralkap Cungkhar An Rak Tuar Tuk VeNak An Hun Langhter Cang

Ralhrang bu nih nawlngeihnak an lak thok in a lungtling lomi Kachin, Kaya, Kayin, Chin, Magway le Sagaing hna ah caan saupi um in hliamtuar le thihloh a tam chin lengmangmi le sualnak ngei lo mizapi sersat in thahnawnnak hna ruangah nawlngeihnak lak in thla 10 a rauh hnuah cun,.

Ralhrang chungkhar cheukhat hna nih ralhrang bu hotu hna ralchanh in biachim le cawlcanghnak an tuah ve cang tiah min langhter a duh lomi ralhrang chungkhar hna nih an chim. Nov 27 ah khan online ah mipi ralkap a duhdawtu hna phu timi cawlcanghnak a chuak i “Khongton uktu hna kutlaih,.

Fung si dingah ka pasal hi ralkap ah a lutmi a si lo (, “Rampi venhimnak dingah ralkap a herh, asinain khongton uktu an i tel lo “Ralkap a simi ka pa hi mipi nih huatmi a si ka duh lo ” timi cataar hna i put in ralhrang chungkhar cheukhat hna nih an aupi. CDM a tuahmi ralbawi pakhat i a nupi nih “Chim ko ahcun lungfahnak kan i uam mi hi a tam tuk cang.

Ralhrang bu hotu hna thiltuah nih kan chungkhar hi zeitik paoh ah a hrawh khawh cu mu! Cun kan fale hna thinlung chungah zongah an pale kha mipi nih thah duhnak an ngeihmi an theih tikah an lung a fak. Cun hi thil vialte hi mizapi kilvennak si lo in mizapi thah le nawn a si cu mu! Cu caah atu nak tam hmanh in ralchanh le doh ding a si cang” tiah a chim. Ref: RFA , The Chin Post

uzing ah khan Premier league match 14-nak Manchester United le Arsenal cu Manchester United innpi Old Trafford ah an chuih. Old Trafford ah hin inn ngeitu Man U nih 3-2 inn leng Arsenal an rak tei hna. Hi puai ah hin Manchester United lei in Bruno Fernandes goal 1 leng ah Cristiano Ronaldo nih goal hnih a khumh. Hi puai i Ronaldo goal hmasa hi professional level zuamnak ah mipumpak nih goal 800 an khumh khawh hmasa bik a si.

Premier league puai 14 tiang ah Chelsea nih point 33 an hmuh i pakhatnak an hauh rih. A changtu ah Manchester City nih point 32 an hmuh, pathumnak ah Liverpool nih point 31 an hmuh ve. Point 24 a hmu khotu West Ham cu palinak ah an i bat rih i, an tang ah hin point khat tete i thlau in Arsenal, Totenham le Manchester United hna an um rih.

Tuzing Manchester United le Arsenal puai a dih hnu hin, Ole Gunnar Solkjaer an chuah hnu in Manchester United nih manager ah an rianh mi Michael Carrick nih Manchester United a chuahtak ve. Manchester United nih hin manager tling ding ah German mi Ralf Rangnick an laak cang caah manager tlai chungtu Michael Carrick nih hin a rian a dinhtak.