Min Aung Hlaing Ruangah Chinmi le Kawlmi Kan I Lungrual, Khatnak A Cang

Chin le Kawl tangti ding in ceihmai awk ah a ra mi Hlaing PDF hruaitu te him tein an phan November 5, 2021 Chin le Kawl tangti ding in Chin Ramkulh ah Hlaing PDF Hruaitu he a ra mi phu cu him tein an phan cang i CNDF in tuanvo ngeitu hna he tonbiaruahnak an ngei tiah theih a si. Source: Hlaing Information [Burmese

Tutan Kan Tonmi Harnak Ah Ramhla Tampi Saknak In Thazaang A Petu Mercy Remsangmuan Zathang Cu Moonlight Award Pek Dingin An Thim, Kum 2021 ca Moonlight Award cu ramhla saknak in thazaang a kan pe lengmang tu Mizoram Lawngtlai um Mercy Remsangmuan Zathang nih a hmuh.

Moonlight Award hi kumkhat voikhat pekmi a si nain Covid zawtnak ruang ah nikum kha pek a si lo. Nain tukum ahcun Pu Jeffrey J. Khara, chief organiser le Pu Welborn Manner Azyu, secretary tawlrelnak in December 8, 2021, zan suimilam 7:30(India time) ah hlunghlai ngai in program ngeih a si lai. Tukum ahcun categories 15 ah laksawng pek a si lai i, TV le YouTube ah live a si lai.

Moonlight Award hi kum 2003 ah khan Siaha ah thok a si. Moonlight Newspaper editor Pu J. Jeffrey Khara nih amah newspaper min bunh in hi award (laksawng) phawtzamh hi a rak thokmi a si. Awards phawtzamh an thok kum 2003 khan Mizoram Hlasakthiam hna sersiamtu Pu C. Dinthang le Mizo Hlasakthiam hna he kum fatin pehzulh peng a si i, awards categories 20-25 tiang phawtzamh a si tawn.

Hnahthial Police (District Executive Force) tawlrelnak in India Cozah phungphai tete le nu le ngakchia nih nuhrin covo an ngeihmi tete cu phunglam a hngalmi Hnahthial district cozah lutlai hna nih Hnahthial district chung i ralzam aa dormi hna sin ah an chimh hna. Legal Awareness Campaign hi Hnahthial District additional SP Bijoy Singh Gurung nih Thingsai, Bualpui H, Tarpho le Khawhri ah a ngeihpi hna i,

Hnahthial SDPO Vanlalbiaka Jaute nih Ngarchip, New Ngarchip le Cherhlun ah a ngeihpi ve hna. Ralzam lak ah hin nu le ngakchia an tampi caah The Protection of Children from Sexual Offences Act(nu ngakchia hursualnak lakin venhimnak phungphai) le Nu sinak in nuhrin covo an ngeihmi tete cu an chimhfianh hna.

Hnahthial DC office nih a cinken ning ahcun Hnahthial district chung ah ralzam chungkhar 418 an um lio i an dihlak milu hi 2,310 an an um lio. Hi hna lak ah minung 43 cu Myanmar lei ah an kir than cang, tiah thawng kan theih. Post Views: 31 PREVIOUS Bukalay(ဘိုကလေး) ah uniform a hruk lomi sayamah pathum cu ralhrang nih an velh hna