Min Aung Hlaing Ralbawinak In A Fim Thiam Deuh Mi Nih CDF\CNA Hriamtlai A Hruai Hna

Kawl Ralbawi pawl nak in raltuk a thiam deuh mi, Chin Ralbawi pawl nih CNA/CDF an hruai ko hna. Ziah mahka zawn ah an kah lo, ziah mahka hmun ah an zoh sawh hna tiah nan lung rei rak thei hlah seh. Pathian sin tu ah thla cam chin chin ko hna uh sih!

Tuzing October ni 14, kum 2021 zing ah khan Chin ramkulh Falam peng Lungpi khua le Thlanrawn khua kar ah Min Aung Hlaing ralhraang pawl nih Chin ralkap aa fonhmi pawl kar ah kahdohnak a chuak, Falam khua khah-lah-yah 268 sakhan lei in lamhlaat bomb kahnak in an rak kah bawmh thluahmah hna.

Lungpi khua le Thlanrawn khua kar ah hmunhma khuarmi Min Aung Hlaing ralhraang pawl cu Chin National Army le Chinland Defense Force ralkap hna nih suimilam cheu chung hrawng an va kah hna, CNA le CDF lei in cun hliamhma pumi an um lo, ralhraang lei tu cun a thimi zei zat an um theih khawh si rih lo tiah CNA lei in bia chimnak nawl nei tu Salai Htet Ni nih a chim.

Kahdohnak a chuah hnu ah Falam khua khah-lah-yah 268 lei in 122MM timi lamhlaat bomb kahnak in voithum an rak kah, ralhraang lei nih bomb an kah ruangah Falam khua chung ah aa chokletmi an um lo, cun khuate lei hna zong nih ralhraang pawl an rak phanh hlaan tein an khua le an inn an rak chuahtaak cia cang hna.

Tu tiang ah hin ralhraang pawl nih Thlanrawn khua ah biakinn telh in khuami hna inn 13 hrawng an duah cang, inn zei zat dah a kangh cang timi kong belte fiang tein theih khawh si rih lo, tu nak tam zong hin ralhraang pawl nih tunak tam zong in an duah khawh rih, Lungpi le Tlangrawn khua kar ah ummi Rel Ti khua biakinn telh in inn dihlak nawn in an khangh rih.

Be the first to comment

Leave a Reply

Your email address will not be published.


*