KTV in an lawi lei ah palek officer le a kut tang pa thi lak in kah an tong October 26, 2021 Sagaing ramthen Monywa sehhmuh zone sang Swedaw lam ah, October 26 zing suimilam 4:00 hrawng ah KTV in a lawi mi Palek officer pakhat le a kuttang palek pakhat cu lam in kan hngah hna i kan kah thah hna tiah Sagaing Independence Army (SIA) nih an thanh.
“KTV in a rak lawi mi ralhraang kuttang palek pahnih cu kanmah SIA phu nih kan kah hna i a hmun ah an thi colh” tiah SIA chungtel pakhat nih a chim. Kah a tong mi palek Second Lieutenant (Bo khat) Win Kyaw Myo le a kut tang pa cu a hmun ah an thi i an meithal le kuan zong kan lak khawh. A thi mi palek pahnih ruak cu ralhrang nih zing suimilam 6:00 ah an rak lak hna i sii-inn ah an check hna tiah khua mi sin in kan theih. Ref. DVB
Kum 2000 hnu ah “Internet” Chan kan phan i, phung dang tein Vawleipi nih aa buaipi ngaimi cu “Fake News” a si. Fake news hi a phun phun a um. Video in bia chim cangmi cu, minute chim lo, Second chung ah Vawlei kili a cul manh. Chim cangmi “bia” cu lak tthanh or hnawh tthanh awk an ttha ti lo. Cu tikah, Vawleipi ningcang loin a tuah khuntu hi, “Video clip” hi a si tiah a titu an tam ngai.
Minung tampi cu video dihlak zoh caan an ngei lo tikah, tawite in an lakmi/ citmi tete hi an zoh. Example ah Minung pakhat nih bia a chimmi dihlak hi, a dihlak ngai ahcun, a ttha ah ruah a si ko nain, a chimmi chung in a palhnak or a chim sualmi or ningcang loin a bia merh khawhnak zawnte te tbk khi, a cheu nih an char riangmang i video clip ah an tuah. Cun tikah, a chim duhmi point lei si ti loin, ningcanglo in sullam dangpi an ngeihter ttheu.
A cheu nihcun, a bia merh khawhnak te kha, an merh piak in video clip in an tuah tikah, an merh piakmi lawng a ngaimi nihcun, a dikmi hngalh khawh a si ti lo. Mahbantuk phun in, full in video zoh caan a ngei lomi, video clip te lawng aa rinhmi caahcun biadik theih khawh a si ti lo. Video clip campaign hi fake news phun khat a si i, click kan zohmi tete hi thate in ngiat a biapi ngai.
Fake news dang pakhat cu: 2013 lio ahkhan AP news account in, white an Bomb a puak i President Obama aa hliam” tiah hacker nih fake news an taar i, second chung ah a thawng in an share manh i, US stocks zong billions zaza in a tla manh. Phaisa mit a aumi, misual pawl nihhin, US stock markets hrawhnak le tlakternak or kaiternak duh ahhin fake news hi an ser lengmang theu.
Politics ruah ah Fake news tampi a chuak political party or an duhmi kaiter in an duhlomi sunghter tbk caah fake news campaign ah an hman duh ngai fawn. Chin Miphun chung zong in video clip in Phaisa a kawlmi an thathnem ngai cang. Example Pastor TPT phungchim hna khi a tthami video clip ser loin, capo a saihnak tu khi an lar/ popular ter. News a tialtu nih bia an pawrh tuk nakah midang nih bia ttha an chimmi zong khi, sullam dangpi ngeih in catlang taar an hmang.
An webs ah ads/ phaisa a luh khawhnak hnga caahcun, zeibantuk paoh an taar tikah, news tampi a rel lomi caahcun, biadik theih khawh a si ti lo. Cucaah, Kum 2000 hnu Internet chan ahcun, fake news ruang ah Minung khuaruahning tampi aa thleng. Moral charecter zong a hrawh ngai. Biadik le biadik lo karlak ah bia-alnak a tam. Cucaah, Internet chung in kan theihmi bia paoh hi zumh colh awk an ttha ti lo. Kan zumh dingmi bia cu, kanmah nih thate in kherhhlai hmasa a hau tinak a si.
Leave a Reply