Nawlngeihnak Lak Hnu Ni (297) Chungah Thah A Tong Mi (1293) An Si Cang AAPP nih November 25 ni tiang cazin a lakmi a thanh ningah ralhrang nih hramhram in uk nak laak hnu ni (297) chungah an thahmi (1293)an si cang tiah theih a si. Tlaih a tongmi (10475) an si . Tlaih ding in nawlchuah mi 1954 tiang ansi cang. Than Lwin Times
Sagaing ramthen, Buhtalin peng Tayarkung khua phungki sianginn hmunhma chung ralzaam an um lio ralhrang lei nih hriamngan kahnak ruangah ralzaam dirhmun in ummi minung 7 cu hliamhma an tuar. Cu hliamhma tuar mi hna cu Kani medical teams nih November 25 ni zaanlei ah an thlopbul hna .
Hliam tuar mi minung 7 cu nu 6 le pa 1 an si i, cu chungah nu 2 cu an zualhma ngai tiah a thlopbul tu hna medical teams in minung pakhat nih a chim. Kahdohnak chungah ralzaam minung 7 le PDF lei in minung 2 cu hliamtuar an si i, an dihlak ah minung 9 nih hliamhma an tuar, ralhrang phu lei in a thimi le hliamtuar an um le um lo theih a si rih lo.
November 25 ni ah ralhrang phu le KPDF(Kani PDF) phufonh kar ah Kani peng le Buhtalin peng a tonnak hmunhma ah kahdohnak a chuak i, ralhrang phu hna nih hriamngan in an kah hna caah ralzaam mipi hna zong hliamhma an tuar nak hi a si. Magway ramthen Saw peng November 25 ni ah PDF-Saw medical teams nih khuachung mipi minung 150 leng cu an ngandamnak an zohkhenh hna tiah theih a si. DVB, The Chin Post
Leave a Reply