Salingyi peng Dungtaw khua mi minung 11 hna cu hri tem an si hnu ah ralhrang nih mei in an khangh hna, an nun bu in mei an khangh hna caah an au hram thawng theih a si Sagaing ramṭhen Salingyi peng Dungtaw khuami minung 11 cu ralhrang nih nihin December 7, zinglei suimilam 8:00 luan ah hri in an ṭem hna hnu ah ramlak ah mei in an khangh hna tiah khuami nih an chim.
Nihin zaanlei thok in Monywa-Pathein lam ah ralhrang hna cu bomb puahhnawh an tong, zinglei zong ah bomb puahhnawh an ton caah ralhrang phu hna cu lungtlin lo nak ngeih in lamkam ummi khua chung an luhhnawh hna. Cun ralhrang hna cu bomb puahhnawh an ton ṭhan caah ralhrang phu hna nih,.
Dungtaw khuachung ah hriamngan in an kah hna i khuami minung 11 cu hriṭem in mei an khangh hna hi a si tiah khuami nih an chim. Khuami pakhat nih “Ralhrang phu hna cu zinglei suimilam 8:00 luan hrawngah Shwetawngkung(ရွှေတောင်ကုန်း) in an ṭum i khuachung ah checkhlatnak cu khua khat hnu khua khat in an tuah.
Cun Pintayah khua luhnak ah khuami pakhat meithal in an kah, ralhrang nih hriamngan he khuachung an kah hnu ah an luh hnawh hna. Sualnak ngeilo khuami minung 11 hna cu hri in an ṭem hna i ramlak ah mei an khangh hna caah khuachung ummi hna cu an zaam dih tiah “ tiah a chim. Salingyi peng khuami pakhat nih a chim ning ah cun
Ralhrang phu nih khuami minung 11 cu an nun bu in hri an ṭem hna cun mei in an khangh hna caah an au thawng le an hram thawng cu kan theih ko na in kan bawm kho hna lo tiah a chim. Ref: Khit Thit Media Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post
Leave a Reply