A Voi 31 Nak SEA Games Lentecelhzuamnak Ah Sui Laksawng A Cotu Cu Ting 300 Pek Nan Si Lai By Min Aung Hlaing
A Voi (31) nak SEA Games ah Myanmar aiawh in aa zuam hnga ding nih Sui Laksawng nan hmuh a si ah cun Ting 300 laksawng kan pek hna lai tiah SAC ralhrang MIn Aung Hlaing nih a chim. Tuni April ni 29 ah tuah mi a voi 31 nak SEA Games ah aa zuam hnga ding teinak hmuhnak ding Flag peek nak puaiah a cung lei bantuk in a chimnak hi a si.
SAC Ralhrang Min Aung Hlaing nih ” Myanmar aiawh in laksawng a hmu mi pawl caah sui laksawwng a hmu mi minung pakhat cio ah phasa ting 300, Ngun laksawng a hmu mi minung pakhat cio ah ting 200, Copper (Dan) laksawng a hmu mi pakhat cio ah ting 100, A team in sui laksawng a hmu mi ting 100,
A team mi ngun laksawng a hmu mi ting 70, a team in Coopper (dan) laksawng a hmu mi ting 35, a ream in sui laaksawng a hmu pi mi Coach caah ting 100, Ngun laaksawng a hmu pitu Coach caah ting ting 50, Copper (Dan) laksawng a hmu pitu Coach caah ting 30 pek nan si lai.” tiah SAC ralhrang Min Aung Hlaing Nih a chim.
Cu leng ah, hrauinak lei in hruaitu phu caah Sui laksawng a hmu pitu chimhrintu hruaitu caah ting 100, Ngun laksawng a hmu pitu ting 50, Copper (dan) laaksawng a hmu pi tu ting 30 laaksawng pek nan si liam tiah a chim. SAC ralhrang Min Aung Hlaing nih” Zuam cawk nak ah kan chuah sem nak Myaanmar ram min thatter nak tuanvo cu rampi cozah nih pek a si lai caah,
Lentecelhnak phu nan zaapi nih ramdawtnak thinlung, miphun dawtnak thinlung he thazaang dihlak chuah in i zuam ding in sawm kan duh hna” ti zongin a chim. A voi 31 nak SEA games cu Vietnam tuah a si lai i, May thla ni 12 in 13 tiang tuah a si lai tiah theih a si. Mah zuamnak ah cun Myanmar aiawh in minung 292 an i zuam ve lai tiah theih a si.
Relchap, India Ah Bing A Phurtu Minung Tlaih An Si, India ram Minipur State khualipi Imphal nichuah lei ah Bing( Herion 40 kg, ) Bing ci bag16 a phurtu minung 4 tlaih an si tiah Minipur Cheif minister nih a Facebook cahmai ah a langhter. Minipur state he aa pehnak Chin State Tonzaang peng le India lei kap hi herion a cinnak hmun a si.
Pandalay Khuami Pyosawtee Nih An Kah Hna, 2 An Thi , 2 Hliam An Tuar, Pyosawtee nih nizaan April 28 zaan Sml 9:30 hrawng ah Laung Lone(လောင်းလုံ) peng Pandalay(ပန်းဒလဲ) khuami minung 5 leng meithal in an kah hna i 2 an thi, 2 an hliamhma a fak ngai tiah khuami hna sin in theih a si. An kah mi hna hi tar lawngte an si i kum 50 a si cang mi U Kyaw Thwe(ဉီးကျော်ထွေး) le kum 70 tluk a si mi U Phe Tan(ဉီးဖေသန်း) cu a hmun ah an thi colh.U Phe Mon(ဉီးဖေမွန်) kum 50 tu cu Dawei siizung ah aa thlop lio pi a si tiah theih a si.
Kah a tong mi hna i khua chung ah mah um tein a um i midaite an si nain zeiruangah kah an si hi fiang in theih a si lo.Khuami cheukhat nih cun a tu bantuk in an tuah mi hi nizaan ah kahthah a tong mi pyosawtee chungtel Daw Tan Tan Tinh(ဒေါ်သန်းသန်းတင့်) a fapa le a dang pyosawtee pawl nih an tuah mi a si ttheo lai tiah a chim.
Leave a Reply