Min Aung Hlaing Mytel tower Mei An Khangh Piak

Karen ramkulh, Hpa-An peng Pot Htaw(ပေါ့ထော်) khua ah a um mi Mytel tower tung he a pehtlaih mi sehthilri vial te cu tu ni September ni 2 zing ah meikhangh in hrawh piak a ton caah a pawng kiang hrawng a um mi mipi 4 cu ralhrang nih an tlaih tiah thawng kan theih. ” zei caan ah dah an khangh ti cu kan thei lo, a pawngkiang hrawng a um mi nih cun zing slm. 8:00 hrawng ah kan theih. Phone tung tang i sehthilri hna cu mei nih a kang dih i, ralhrangbu nih an rak zoh i, mi pa 4 tlaih an tong nak kan theih” tiah Yangon Khit Thit Media sin ah a chim. Crd. Khit Thit Media

Shan ram thlanglei Letchia le Maikaing kar ralhrangbu checkgate in ralhrang 1 cu meithal 4, bu tangka le cycle he a zaam. A zammi pa hi LIB-515 tatyin ah a ummi a si i, August 29 zaan ah meithal 4, bu tangka he a zaam mi a si. September 1 in an tatyin nih biatak tein an kawl tiah ralhrangbu he pehtlaihnak a ngei mi Maikaing khuami pakhat nih a chim. Mah ralhrangbu checkgate hi Maikaing – Letchia kar Luaikhan tlanghram ah a um mi a si.

Meng 49 gate tu zongah auh mi a si i, LIB-515 nih tuanvo an lak lio a si. Atu hi thazaang tampi in mi chawkvak vialte an an chek hna, bia an hal hna tiah theih a si. A hleikhun in Mawtaw le cycle hna an chek tiah theih a si i, Maikaing pengah ralhrangbu tam ngai an chiah hna i, hlathlainak an tuah cuahmah tiah theih a si. Ref; SN, The Chin post _ August 30, cawn nikhat ni ah tuahmi ASEAN+6 Regional Social Dialogue le NUG Online tonbiaruahnak ah ASEAN Labour Organization hna nih NUG cozah kan cohlan tiah tuanvongeitu hna nih an chim.

Hi tonnak ahhin Japan, New Zealand, South Korea le Philipine ram in Labour Organization hruaitu hna zong an i tel ve. International Labour Organization i a voi 109 nak meeting ah Myanmar democracy kongah bawmhnak pek cio dingin forhfialnak an tuahmi pehzulh in ASEAN Labour Organization hna nih NUG an cohlannak an langhtermi hi a si. NUG cohlangtu ahhin hlutdaw palai tampi zong an i tel. Cu hlutdaw palai hna nih cun anmah le an ram cozah sinah NUG Cozah cohlan dingin an hal cio fawn.

Tu thla, September 14 ah a voi 75 nak UN meeting pi tuah a si lai i Myanmar ram aiawhtu cozah ah SAC maw kan cohlan lai, NUG dah timi biakhiahnak an tuah lai. UN nih Myanmar ram aiawhtu cozah ah cohlan an si khawh nakhnga SAC nih siseh NUG nih siseh an i zuam cuahmah. ASEAN Labour Organization le hlutdaw palai hna cawlcanghnak nih NUG caah tampi bawmhnak a pek lai tiah Myanmar ram riantuanbu CTUM Chairman U Maung Maung nih a chim. VOA , The Chin Post