Min Aung Hlan Kachin Ramkulh khualipi A Tlawng Hnik KIA Hriamtlai A Tih Hna Hnga Lo Ma

A tuu-fale tlawng ding Min Aung Hlaing Myitkyina ah a kal lai SAC phu lutlai Min Aung Hlaing cu a tuu-fale (Ralkap pawl) tlawng ding in September 18 ah Kachin Ramkulh khualipi Myitkyina a tlawng lai tiah theih a si. Thaizing hi Min Aung Hlaing a khuallam peh a ni hnihnak a si lai i Myitkyina hrambunh Northern Comman (Chaklei Ralkap Zung) tang um Ramri-hngak Boarder Guard Force (BGF) pawl le People’s Militia ti mi Pyithu-sit upa hna he tonbiaruahnak a ngei lai, tiah theih a si. Cucaah, Myitkyina SAC ralkap pawl nih atu hi runvennak tuanvo biatak tein an tawlrel lio a si, tiah kan theih.

Mandalay ah Falam khrihfabu pastor pa cu ralhrang nih an tlaih i tangka sing 40 an i lakpiak Mandalay ah Falam khrihfabu pastor a si mi Rev . Thian Lian Sang cu ralhrang nih amah a inn ah mawtaw 3, Saikal 3 in ralhrang 20 hrawng nih an tlaih i a tangka sing 40 an i lakpiak tiah upa Bawi Uk Sang nih a chim. Pastor pa i a chungkhar pakhat nih “An ra i an tlaih colh. Mah lio ah cun ka nau nu nih saya pa a phone cu a ra i ralhrang hna nih cun khoi kaa phone dah a si, password rak kan pe tiah an ti i ka nau nu nih cun ka thei lo tiah a leh hna i a hmai ah voi 4 an bengh.

A mithman zong a kiak dih “tiah a chim. Ralhrang hna cu innchung ah an lut i phone an chek hnuah Pastor pa a phone, a nu phone le a nupi phone hna telh in phone 5 cu an lakpiak hna. Cun kan hnu thla i pastor pa a pa a thih lioah thutpinak a chuakmi tangka sing 40 zong an i kalpi tiah theih a si. Pastor pa hi Covid -19 in zawtnak in a dam kaate a si caah a chungkhar hna cu lungrethei ngai in an um. Pastor pa hi zei ruang ah an tlaih ti theih a si rih lo. Rambuainak kongah cun tlaih dingin zeibantuk sualpalhnak le lunghrinhnak hmanh a ngei lo tiah amah he aa naihniammi pakhat nih a chim.

PDF-Tamu nih SAC sin ah aa bawm mi Meitei hriamtlai ralrin an pek hna – People Defense Force (Tamu) nih SAC mithat phu sin ah aa bawm mi Meitei miphun hriamtlai hna cu SAC he rian an tuan tinak le an i bawmhnak cu a ran khawh chung ngolh ding in 2021 September 17 ah ralrin peknak cathanh an chauh. Cathanh an chuah mi chung ah, “Sagaing Ramthen, Tamu peng chung ah a ummi, Meitei (UG) cu SAC he rian an tuan ti, an i bawm.

Kan peng chung ah a um mi Meitei miphun nih, i thawh rianmang in SAC he nan tuanti nan i bawmh mi hi a rannak in rak ngol uh. Nan ngol lo ahcun, Myanmar ram democracy kan hmuh ding a duh lo mi miphun nan si tiah kan in pom hna lai. Atu dothlennak zong hi kan dih deng cang ca ah, kan tei tik ah Myanmar ram chung ah umnak nawl kan in pe ti hna lai lo. A ran khawh chung in rak ngol uh tiah nolh kan duh,” tiin an tial. Meitei miphun hna hi Manipur pawngkam ah a ummi an si i, U Ne Win chan lio ah Ne Win nih Chin miphun chung miphun pakhat ah a chiah i, a pom mi hna an si.

Be the first to comment

Leave a Reply

Your email address will not be published.


*