Min Aung hlaing Cu UN Nih Cohlan Lailonak A Ruang

UN nih Kawlram aiawh ah NUG cohlan dingin London ah hrambunh mi vawlei cung upadi lei thiam sang pawl he dirh mi Myanmar Accountability Projet (MAP) nih UN sinah nawlnak ca an pek. Thaizing September 14 ah UN general assembly ram 9 tel nak cuaithlaitu committee (Credentials Committee) nih NUG le SAC cuai a thlai te ding a si. SAC zong nih UN nih cohlan dingin UN general secretary sinah nawlnak ca an kuat ve.

Asinain, UN tuanbia ah mah bantuk ralhrangbu hna cu a rak cohlang bal hna lo.UNGA biachahnak hi Kawlram mipi 50 leng caah a biapi tuk mi a si tiah MAP director Chris Gunness nih a chim. Hramhram in nawlngeihnak a latu ralhrangbu kut in mipi 1000 leng an nunnak a liam cang. MP hna telin minung 6000 hrawng tlaih le hrem an si i, an nunnak a liam mi zong an um caah ralhrangbu cawlcangh ning cu sual a si tiah UN nuhrin covo palai nih a chim.

UN assembly nih Kawlram kong cuaii thlai a si tikah vawleicung nuhrin covo phung zoh chih le Kawlram mipi duh ning ruah chih a herh mi a si. Ralhrangbu cohlan cu ralhrangbu chan sau nak caah tuah mi he a khah pin ah ramdang tawlrel piak nak zong a donh mi a si. NUG cohlan cu UN nih democracy le nuhrin covo a upat ning le Kawlram kong remdaihnak he ceih le a tawlrel cuahmah ko ti langhternak pakhat zong a si fawn tiah MAP nawlnak cakuat ah an langhter. Ref; BBC

Pago khua ,AYA bank in phaisa phortu motor cu Intagaw khua ah ramh an tong i an phaisa ting 40000 an kal pi tiah Pago khuami pakhat nih a chim. “Ting 40000 an kal pi, phaisa an kan chut tu hna hi minung 7 an si. Palik pahnih, motor PK pakhat bantukin an i umter. Intagaw Tayatkung le Satgyia, Pago in Yangon kal lei ah, gate ah mi check bantuk in an i umter. Phaisa cu kan zohter hna hnu ah, an i timhning motor cung ah khin in Pago lei ah an khalh” tiah palek rianngei tu pakhat nih a chim.

Chunhnu suimilam 2:00 hrawngah Pago AYA bank in phaisa phortu motor a chuah hi a si, motor cungah bank riantuan tu minung 5 an i tel tiah theih a si. Palek nih checkhlatnak an tuah cuahmah i,ramh tu hna cu an kawl lio hna tiah theih a si. “Pago khua AYA bank in phaisa cu Yangon ah an kuat tiah theih a si.Chun hnu suimilam 2:00 luan hrawng ah motor in an phorh,Intagaw hmun palik sakhan lei ah chuh an ton hi a si tiah theih chung mi cu a si” tiah Pago khuami pakhat nih a chim.

Cu thil cang kong he pehtlai in AYA bank le cuka hmun pehtlaimi hmunhma palik sakhan cu pehtlaih khawh a si rih lo caah, bia fehternak a um kho rih lo. A luancia ni tlawmpal ah khan,Yangon in bank cheukhat le, Tedim , Kyautme khua ah bank da-miah-teih nak a um tiah theih a si. _ voiceofmyanmar

Be the first to comment

Leave a Reply

Your email address will not be published.


*