Min Aung Hlaing Cu Russia A Khual Tlawnnak In A Rak Kir Le Cangkaa In!!

SAC Nih Nawlngeihnak Thla 6 A Chap Ṭhan Lai + Hluttaw Palai 93 Tlaih An Tong, Pahnih An Thah Hna Tiah CRPH Nih Thanh
===========================
Min Aung Hlaing nih a voihnihnak nawlngeihnak cu thla 6 a chap ṭhan lainak kong cu SAC ralkap chimphuannak nawlngeitu Zaw Min Htun nih BBC ah a chim. Ram pumpi thimnak dingah daihnak a um khawh nakding ah le thil dangdang tuah a herh rih lai caah nawlngeihnak thla 6 kan chap ṭhan lai, tiah a chimchap.

July 31 ah SAC ralkap nih uknak an lak kum khat le cheu a tling lai i, kum khat a tlin hnu in thla 6 nawlngeihnak an chapnak a tlin ni zong a si lai. SAC nih 2021 Febuary 1 in uknak a lak i President cu an tlaih. Vice President Myint Shwe nih rampi thil poipang ton caan(emergency) a si tiah a thanh i, Min Aung Hlaing cu nawlngeihnak a rak pek.

2008 phunghrampi ning in rampi poipang ton caan lioah kum hnih tiang uk khawh a si. Sihmanhsehlaw SAC nih Kaalung(ကာလုံ) auh in thla 6 nawlngeihnak a chap i, 2023 Febuary 1 ah kum hnih a tling lai. 2023 August thla ah rampi thimnak ka tuah lai i, teinak a hmumi political party cu nawlngeihnak kan pek lai, tiah SAC ralkap nih thawngpang fianternak an tuah lio ah an chim.

Hluttaw Palai 93 Tlaih An Tong, Pahnih An Thah Hna Tiah CRPH Nih Thanh, SAC ralkap nih mizapi nih thim mi Hluttaw palai 93 an tlaih hna i, cu chungah pahnih an thah hna, tiah CRPH nih nihin July 30 ah cathanh an chuah. Uknak an lak hnu in Hluttaw palai 34 tlaih an tong i 7 cu an luat ṭhan. Palai 27 belte an thlah rih hna lo.

SAC ralkap nih anmah lila nih an suaimi 2008 phunghrampi i tlaih in phung ning in a tling mi cozah an thlak i nawlngeihnak an lak, tiah upadi thiam sang hna an chim. 2020 thimnak a tlingmi palai pawl cu Hluttaw he aa pehtlaimi upadi lawng nih dan a tat khawh hna timi upadi he aa ral kahmi a si tiah CRPH nih a langhter.

SAC nih uknak lak hnu in cheu khat MP an tlaihmi hna cu khoika dah an chiah hna ti zong atu tiang a thei lomi chungkhar an um rih.
Atu bantukin SAC ralkap nih Hluttaw palai an tlaihmi hna kong ah UN nih hi bantuk an tlaihmi hna hi nuhrin covo an buar a si, tiah an langhter.

Ye Oo Peng Ah SAC Ralkap Nih Bazar Khan 200 Leng Le Inn 50 Hrawng An Khangh, Sagaing ramṭhen, Ye Oo peng Ṭinṭingyan(တင်းတိမ်ရံ) khua um bazar khan 200 le mizapi inn 50 leng cu SAC ralkap nih an khangh, tiah theih a si.
SAC ralkap pawl cu Ye Oo peng nitlaklei Hnawkone(နှောကုန်း) khua in July 28 ah an chuak i, July 29 ah Ṭinṭingyan khua cu an khangh.

Bazar khan 200, mizapi inn 50 hrawng a ciam dih, tiah Freedom Revolution Force nih an langhter.
SAC ralkap nih Ṭinṭingyan meithat zung, New Light dawr hmun le Innpatṭan hmun hna cu an khangh, tiah Local Fighter Squad nih an chim.

Cu khua bazar cu pawngkam khua hna nih an rak fuh ngaingai mi bazar pakhat a si, tiah tualchung mi hna nih an chim.
SAC ralkap pawl cu Ye Oo le a pawngkam Depeyin hmunram ah rallam an sial i, inn le lo an hrawhmi le an khanghmi a tam, tiah tualchung mi hna nih an chm.

Hluttaw Palai 93 Tlaih An Tong, Pahnih An Thah Hna Tiah CRPH Nih Thanh, SAC ralkap nih mizapi nih thim mi Hluttaw palai 93 an tlaih hna i, cu chungah pahnih an thah hna, tiah CRPH nih nihin July 30 ah cathanh an chuah. Uknak an lak hnu in Hluttaw palai 34 tlaih an tong i 7 cu an luat ṭhan. Palai 27 belte an thlah rih hna lo.

SAC ralkap nih anmah lila nih an suaimi 2008 phunghrampi i tlaih in phung ning in a tling mi cozah an thlak i nawlngeihnak an lak, tiah upadi thiam sang hna an chim. 2020 thimnak a tlingmi palai pawl cu Hluttaw he aa pehtlaimi upadi lawng nih dan a tat khawh hna timi upadi he aa ral kahmi a si tiah CRPH nih a langhter.

SAC nih uknak lak hnu in cheu khat MP an tlaihmi hna cu khoika dah an chiah hna ti zong atu tiang a thei lomi chungkhar an um rih. Atu bantukin SAC ralkap nih Hluttaw palai an tlaihmi hna kong ah UN nih hi bantuk an tlaihmi hna hi nuhrin covo an buar a si, tiah an langhter.

Butalin Peng Khuate Pakhat Ah Khuabawi, A Nupi Le Ralkap Pakhat Kah Thah An Tong, Sagaing ramṭhen, Butalin(ဘုတလင်) peng Khawaycin(ခဝဲကျင်း) khua i an khuabawi Khin Maung Myint, a nupi le humhimnak latu Htey Naing cu kan kah thah hna, tiah Guerrilla PDF le Butalin Guerrilla PDF nih cathanh an chuah.

July 29 chun sml 12:08 ah Butalin peng, Kawaycin khua khuabawi Khin Maung Myint le a nupi cu kan va thah hna lioah ralkap pa Htey Naing zong kan kah thah ve, an pathum ning tein kan fimhlawm hna, tiah Bo Thein Hnget nih a chim.
Khuabawi Khin Maung Myint nih thilri chantu PDF an tlaih hna lioah amah pumpak in a tlaih ve hna. Cu pinah a fapa zong Pyusawhti training a kai ve tiah theih a si.

Mon ramkulh, Bilin peng Chaungpiah khuami, Farmland Union Chairman, Pan Sein cu BGF le SAC ralkap thawng a pek hna caah nizan July 29 zan sml 8:40 ah KRF nih kan kah thah, tiah KRF nih cathanh an chuah. Pago ramṭhen, a hnulei Min Hla peng Sitkywin(စစ်ကွင်း) khua, Pepinṭan(ပေပင်တန်း) khua khuabawi Sein Win Maung cu July 29 zing lei ah Zeyar Thaw raltuknak tiah min pek in PDF nih an kah thah, tiah theih a si.

Sein Win Maung cu zalong tein duhnak a langhtertu mizapi hna le CDM pawl cu ralkap le palik aa ruaih hna i, a tlaihter hna. Cu pinah, SAC ralkap nih tangka an hmuhnak dingah meiman a khawlh piak hna caah kan thahmi a si, tiah PDF nih an langhter.

SAC Nih Nawlngeihnak Thla 6 A Chap Ṭhan Lai, Min Aung Hlaing nih a voihnihnak nawlngeihnak cu thla 6 a chap ṭhan lainak kong cu SAC ralkap chimphuannak nawlngeitu Zaw Min Htun nih BBC ah a chim. Ram pumpi thimnak dingah daihnak a um khawh nakding ah le thil dangdang tuah a herh rih lai caah nawlngeihnak thla 6 kan chap ṭhan lai, tiah a chimchap.

July 31 ah SAC ralkap nih uknak an lak kum khat le cheu a tling lai i, kum khat a tlin hnu in thla 6 nawlngeihnak an chapnak a tlin ni zong a si lai. SAC nih 2021 Febuary 1 in uknak a lak i President cu an tlaih. Vice President Myint Shwe nih rampi thil poipang ton caan(emergency) a si tiah a thanh i, Min Aung Hlaing cu nawlngeihnak a rak pek.

2008 phunghrampi ning in rampi poipang ton caan lioah kum hnih tiang uk khawh a si. Sihmanhsehlaw SAC nih Kaalung(ကာလုံ) auh in thla 6 nawlngeihnak a chap i, 2023 Febuary 1 ah kum hnih a tling lai. 2023 August thla ah rampi thimnak ka tuah lai i, teinak a hmumi political party cu nawlngeihnak kan pek lai, tiah SAC ralkap nih thawngpang fianternak an tuah lio ah an chim.

Myinmu Ah SAC Ralkap Chungtel Citmi Motor Pakhat Bomb Puah A Ton Caah 4 An thi, Sagaing ramṭhen, Myinmu peng Kan Hpyia Za Yet(ကန်ဖျားဇရပ်) pawng ah palik le Pyusawhti an i citmi motor pakhat cu PDF nih nihin July 30 zing sml 9:15 hrawng ah bomb an puahhnawh i SAC ralkap chungtel 4 an thi tiah Moe Nyo Revolution Force M.N.R.F nih cathanh an chuah.

Palik le Pyusawhti an i citmi motor cu Sagaing palik training sianginn ina chuakmi a si i, Moe Nyo Revolution Force M.N.R.F၊ PENTAGRAM, People’s Guerillas Commando – Myinmu le PEOPLE REVOLUTION FORCE P.R.F hna nih bomb lung 10 in an puahhnawh hna caah Pyusawhti 4 an thi, tam ngai hliamhma an pu. PDF lei in a thimi le aa hliammi an um lo, tiah theih a si.

Dedaye Bomb Puah Ruangah NLD Ramṭhen Hluttaw Palai I A Fapa Pakhat le Mino 7 An Tlaih Hna, Ayeyarwaddy ramṭhen, Dedaye(ဒေးဒရဲ) khua luh, cheknak hlei ah bomb a puakmi ruang he pehtlai in NLD ramṭhen Hluttaw palai i a fapa telh in mino 8 cu July 28 le 29 ah an tlaih hna, tiah tualchung mi hna nih an chim.

“July 28 ah mino 7 an rak tlaih hna. July 29 ah pakhat an tlaih ṭhan. July 26 lioah bomb puahnak he pehtlai in an tlaihmi hna a si. Mino 8 hna cu an ban an leh hna i hri in an ṭem hna. Biachim holh rel an i palh ahcun an tuk, an velh hna lai ti kan ruah kan thin a phang ko,” tiah a chungkhar he naihniam mi pakhat nih a chim. Dedaye khua luhnak chek gate pahnih a um i, Yangon ramṭhen lei kalnak hlei ah July 26 zan sml 8 hrawng ah bomb lung hnih a rak puak.

Mino an tlaihmi hna kong he pehtlai in khuabawi pakhat nih,”bomb puahnak kong he pehtlai in an tlaihmi hna a si. Anmah nih an puahmi a si lo cun an thlah colh ko hna lai, thin phan awk a um lo,” tiah a chim.
SAC nih uknak a lak hnu in Dedaye peng mee hmun in NLD party ramṭhen Hluttaw palai Than Lwin telh in a zammi minung 1000 leng le tlaih a tongmi 200 leng an si cang, tualchung mi hna nih an chim.

Salinkyi Peng Ah Umhmun Khuarmi SAC Ralkap Pawl cu Hriamngan in Kah An Ton Caah Ralkap 9 An Thi, Sagaing ramṭhen, Salinkyi peng Letpankywin(လက်ပံကျွန်း) khua phungki sianginn ah umhmun khuarmi SAC ralkap ralkap pawl cu, PDF nih nizan July 29 ah hriamngan in kan kah hna caah ralkap 9 an thi, tiah Special Regional Attacks Forces-MWA phu sinin theih a si.

Rallam a sialmi SAC ralkap pawl nih Salinkyi peng Yekha le DuHtauk(ရေခါးနှင့် ဒူးထောက်) khua hna cu an khangh hnuah Letpankywin phungki sianginn ah umhmun an khuar lioah Monywa pengkomh No.(1) Battalion, Companny 4, Special Regional Attacks Forces-MWA, Ṭaw Thar Kyi hriamngan phu le PDF hna i bawm in hriamngan in an kah hna caah SAC ralkap 9 an thi, tiah theih a si.

Bamauk Kahdohnak Ah SAC Ralkap A Thi Le A Hliammi An Tam, Sagaing ramțhen, Bamauk peng ah rallam a sialmi SAC ralkap hna cu KIA le PDF i bawm in kan kahdoh hna caah SAC ralkap a thimi an tam tiah Banmauk Revolution nih a langhter.

July 29 zinglei Sml 11:00 hrawngah Banmauk peng SatDaw tlang ah rallam a sialmi SAC ralkap hna cu KIA le PDF nih bomb puah in kan doh i a thimi le a hliammi an tam tiah an langhter. Kahdohnak ah cun SAC ralka a thi mi an tam i chunhnu zong ah kahdohnak a chuak than tiah theih a si.

Zan hrawng zong ah Bo ZinZaw ( ဗိုလ်ဇင်‌ေယာ် ) nih hruai mi PDF nih Banmauk khuapi chung ah SAC ralkap umhmun an khuarnak hna cu suimilam pakhat renglo chung ah kah i SAC ralkap lei a thimi an tam nain a thimi zat cu fiang tein kan fehter kho rih lo tiah an thanh. July 27 thok in Banmauk khuapi luhnak kam ah umhmun a khuar mi SAC ralkap hna cu hriamngan in an kah hna i SAC ralkap 3 an thi tiah an thanh. A thimi hna chung in ralbawi a tel tiah theih a si.

Myinchan Peng Ah Pyusawhti Hruaitu Pa A Cawngtu Cu PDF Nih An Kah Thah, Mandalay ramṭhen, Myinchan peng Sanpiah(စံပြ) khuami Pyusawhti hruaitu pa a cawngtu rian a ṭuanmi, Kyaw Zin Htun cu Natogyi(နွားထိုးကြီး) PDF nih nizan July 29 ah an kah thah. Meithal zun hnih le kuan tam ngai an lak, tiah theih a si.

Pyusawhti hruaitu pa a cawngtu Kyaw Zin Htun kan kah thah hnu ah Rifle meithal zun khat, 12 shotgun zun khat le a kuan 20 cu kan lak khawh, tiah Natogyi PDF nih cathanh an chuah.