Min Aung Hlaing Cu KIA Nih An Kham An dawi

Min Aung Hlaing cu KIA nih nawl an pek lo caah Puta-O(Kachin) a kal ding mi Khual lam cancel a tuah than. Rampi uknak ka lak a ti ve mi cu KIA nawl peknak tel lo cun Puta-O hmanh a phan kho ti lo. Nancham in Naypyitaw ah kir colh dawh a si, Tuzingah Kachin Cu a lut phawt Kachin ram khualipi ah sunglawi ngai in Min Aung Hlaing alut. Dalan kan timi phun khi hei zoh hna.Mah kongah Kachin mipi le KIA holhka a chuah cang Kachin mipi le KIA nih a lam an kham i a kir than lai KIA nih ralkap kha biapi cemah an chiah kan ti khawh?

Magwe ramtthen, Myo Thit peng, Myo Luh Lin timi khua ah siang ca chim tu saya Aung Than Zaw (Kum 33) cu Min Aung Hlaing ralhraang pawl nih a luan ciami September ni 17, kum 2021 zan suimilam 9:00PM hrawng ah khan a hngawng zawn bak ah meithal hmuahchih buin thilak an kah. Ralhraang nih thilak in an kahmi saya Ko Aung Than Zaw ruak cu tuni September ni 19, kum 2021 ah khuami hna nih an vui, saya Ko Aung Than Zaw le Maung Ka La timi hna hi September ni 17 zan suimilam 9:00PM hrawng ah khan an khua luhlai zawn ah ummi Datsi rawnnak hmun ah Datsi rawn ding in an kal.

Mah ti an kalnak ah Ralhraang pawl nih an rak tlaih hna, bia an hal pah hna buin an tukvelh chih hna buin saya Ko Aung Than Zaw cu a hngawng zawn ah meithal hmuahchih bak in an kah, meithal kahnak hliamhma he cun sizung ah an kalpi nain nizan September ni 18 zing ah a nunnak liam. Hi kong he pehtlai in khuami pakhat nih “zan suimilam 9:00PM hrawng ah patrol rawn ding in kalmi saya Aung Than Zaw le Ka La hna cu Mytel Tower tung hngakmi ralhraang nih an tlaih hna, an khup an bilh ter hna hnu ah meithal kuang in an tuk hna, zantlai hnu ah leng chuah lo ding ti nan theih lo maw tinn an ti pah hna bu ah an velh chih hna”

“Kan theih lo ruangah si ee, rak kan ngai thiam ko uh, kan i ttih tuk cang hna, rak kan vel ti hlah uh tiah an nawl chih ko hna nain ralhraang pakhat nih Ko Aung Than Zaw hngawng ah meithal hmuahchih in a kah, an kah hnu ah nan tonmi kong ah zei hmanh kan i tel lo tiah an kal ter hna” “Maung Ka La zong kah an timh nain ralhraang pakhat nih hngakchia cu kap hlah tiah a kham ruangah an kap lo, Ko Aung Than Zaw tu cu a thisen chuakmi tamtuk ruangah sizung an phanh pi hnu thaizing ah a thi, Ko Aung Than Zaw hi kum 6 simi fapa pakhat neimi si” tiah a chim. Chin24 Saven News

Be the first to comment

Leave a Reply

Your email address will not be published.


*