Min Aung Hlaing Cu A Mah Kuttang Lila Sahrang Zong A Hrem Ve Cang Ko Hna Hih

Matupi khua ah Strategist nawl a ngai lomi Captain pakhat thong an thlak. Matupi le Mindat gate ah riankhinh a simi Tactical Army in Captain Yin Ko Oo cu Strategist (Byu-ha-hmu) nih Matupi-Mindat lamcung a tanmi poh kah ding ah nawl a pek nain sualnak ngei lomi mipi kah a duh lo ruangah nawl a chuahmi cu a ngai lo. Cucaah, Strategist (Byu-ha-hmu) nih a check hnu ah thong an thlak tiah theih a si.

Lamcung a rak tanmi poah kah ding in Strategist (Byu-ha-hmu) nih nawl a chuah ko nain, gate ah riankhinh a simi Captain Yin Ko Oo nih theihthiamnak in mipi pawl kalnak nawl a pek hna tiah ralkap pakhat nih Zalen ah thawng a pek.

Captain Yin Ko Oo nih sualnak a ngeimi lomi mipi ka kap kho hna lo, Strategist tah (Byu-ha-hmu) kan kah a si ahcun na cohlang lai maw tiah bia a halnak a tuah chin tiah thawngpawng petu nih a chim. Captain Yin Ko Oo cu ni zeizah dah thongthlak a si lai timi cu a fiang in theih a si lo nain ni 2, ni 3 hrawng a si kho men tiah a chim.

Credit: The Chinland Post

A Rak Thi Ko Hih, Ralhrangbawi Kha Athi Rualo An Ti Nain A Rak Thi Diam Ko Hih, YDF kahnak in a nunnak a liam mi ralhrang bawi ruak an vui. A liamcia April 13 lio i Htilin meiphalh inn ah hmun a khuar mi ralhrang pawl YDF nih an kah hna lio i hliam a tuar mi ralhbawi Nay Lin Aung ruak cu mui le zaan hnu ah an vui tiah theih a si.

Dalan pawl he lam kam ah lakphak a ding mi ralhrang bawi Nay Lin Aung cu YDF nih an hmuh caah an kah i an hliamh bu in tlawmpal a zaam hnu ah a va thi. Cu hnu ah a hawile ralhrang nih cun a ruak in an char hnu ah mui le zaan hnu ah aho theih huaha lo in an vui diam tiah YDF nih an langhter.

May be an image of 1 person

 

Magwe Ramthen, Thilin pengkulh, Cin Police sakhan cu PDF hna nih an kahdoh lio ah Sakhan hmu Aung Kyaw Sing a nunnak a liam i Police phu minung 15 an hriamnam he CDM an tuah hnu ah mah Police sakhan cu SAC ralhrang lei nih ralkap thazaang 200 hrawng an chap hnu ah Thilin PDF hna nih an kahdoh caah SAC ralhrang 50 hrawng an nunnak a lim nak kong cu cathanh an chuah.

” SAC ralhrang an rak kai lio ah mah kaa ah cun  bomb pawl cu remote in kan puah hnawh hna i, A thi mi pawl cu ruahddomh in kan chim a si ah cun 50 hrawng an si lai, Bomb kan puah hnawh hna lio ah an buupi in an um lio ah a si” tiah Thilin PDF tuanvo ngeitu nih a chim.

Cin sakhan rulh tthan ding in a ra mi SAC ralhrang hna cu Kah Pah Sah 24 le a dang tatyin pakhat in ralkap pawl an si nak kong, Thilin PDF hna nih bomb in an kahdoh hna hnu ah Cin khua chaklei ah a um mi cacawnnak sianginn pakhat tel in inn pahnih an khanghnak kong zong Thilin PDf nih cathanh a chuah. Thilin pengkulh Cin sakhan cu April ni 17 ah Tilin PDF hna nih an kahdoh i Sakhan hmu Aung Kyaw SIng telin minung pali an nunnak a liam i minung 15 nih CDM an tuah tiah theih a si,

Cobra(KNLA Phufonh) Kah Mi Hriamngan In SAC Ralkap 5 An Thi, Laykekaw Hmunhma Vanlawng Nih 7 An Hel, Karen ramkulh, Laykekaw ah nihin April 19 zing Sml 11:00 hrawng ah kahdohnak a chuak i Cobra (KNLA phufonh) hriamngan kah mi nih SAC ralkap an khen hna i 5 an thi tiah theih a si.

Zinglei ah SAC ralkap lei nih sniper in Cobra phu hna cu a thithup in an kan kah ko hna nain hliamtuar kan um lo, Hriamngan in kan kah than ve hna tiah Cobra nih thawng an thanh. Nizaan April 18 zaan Sml 11 hrawng ah khan SAC ralkap nih Swedaw le Kyatkin an ummnak tlangbo (sakhan) Laykawkaw hmunhma ah hriamngan in an kah. Nihin April 19 zingka Sml 6:30 ah ATR 42 mingai tu vanlawng in voi 7 hlathlainak a tuah/ hel hna tiah Cobra nih an chim.

Kinmah Khua SAC Ralkap Hriamngan In An Kah Mipi Inn 19 An Khangh, Pauk peng, Kinma khua cu April 18 ah SAC ralkap nih hriamngan in an kah i inn 19 a ciam tiah Pauk peng thlanglei pyohcia phu sin in theih a si. SAC ralkap nih Kyauk Oo khua an khangh i an kir lei ah Kinmah khua chung ah an lut i hriamngan in an kah hi a si tiah theih a si.

”Kyauk Oo khua in a kir mi uico ralkap hna nih April 18 chun Sml 12 tluk ah Kinmah khua cu hriamngan in an kah i khuachung ah an rak lut, mipi inn 19 an khangh i a ciam. Khuami 4 an tlaih hna i pahnih cu an kal pi hna,” tiah tualchung mi pakhat nih a chim. Cu SAC ralkap hna nih Pauk peng Kinmah khua an khangh nak hi a voi 3 nak a si i inn 400 leng a ciam cang tiah theih a si.

Be the first to comment

Leave a Reply

Your email address will not be published.


*