KNU hmunram raldohnak ah SAC ralhrang (96) kan thah khawh hna tiah KNU/KNLA nih thanhnak an tuah. Zarhkhat chung ah Karen National Liberation Army (KNLA) nih ralhrang hi zatzat an thah khawh hna hi a si i atu zong kahnak a dai lo, nitin te in kahnak a um peng rih ko tiah an chim. Zarkhat chung lawng ah Karen National Liberation Army (KNLA) le SAC ralhrang karlak kahnak voi(8 ) leng a chuak.
KNLA lei nih a tam deuh cu Bomb (landmine) nih an thah hna hi asi. November 11, 2021 zinglei suimilam 9:00AM hrawng in khan Hpapun pengkulh, Makhawi Thar khua te ah SAC ralhrang le an kut taang hriamtlai BGF (Border Guard Force) hna cu KNLA nih an kah hna. Cu kahnak ahcun SAC ralhrang 80 hrawng an thi i a dang 37 nih hliamhma faak an tuar tiah an langhter chap.
Cu bantuk in KNU hmunram pawng a dangdang ah kahnak a chuak. SAC ralhrang lei in BDF pawl he i bawm in KNU an naam len hna nain an mah ralhrang lei tu a thi mi an um lengmang hi asi. A tlawmbik ah kahnak voi hi zarkhat chung ah a chuak mi si. Cu chung ahcun SAC ralhrang 96 an thi i a dang tampi hliam an tuar tiah an cathanh ahcun an langhter.
A vansang tukmi harsa caah bawmhnak ting 100, Kan duh lo tuk ko buin raltuk le virus nih kan miphun a kan den. Hlawhfa chom in ai cawm tawnmi, dawr hmete le sabuti dawrte tuah in paw ai cawmmi hna cu phaisa a luhnak ding a um ti lo. Ram thlennak caah tiah cozah riantha a chuah takmi an vansang cang. Kei zeidah ka tuah?
Mipi nih an ka huat ding le thah an ka duh lai timi ka ruah cia buin raltuk hrial ding ka aupi. Raltuk nih miphun a damter lai ka zum lo, miphun zawtnak a zualter chin lehlam lai tiah ka ruah caah asi. Zeidah ka tuah rih lai? Pathian nih aka hlanh chungmi chawva chung in ting 100 hi ei awk harsa tukmi kan bawmh hna lai.
A harsa hringhranmi chungkhar 200 kan bawmh hna lai, 50,000 cio in. Sawk ning cu keimah pumpak Facebook inbox ah ca nan ka kuat lai, nan harsat ning nan rak tial lai i keimah nih biachahnak ka tuah lai. Phaisa luhnak a ngei lo i ramdang lei bawmhtu chungkhat zong a ngei bak lomi miharsa u-saa pek asi lai. Na min, na umnak khua le na phone number naka kuat chih lai.
Bawmh a tlak tiah ka fehtermi cu ka minung nih na inn ah 50,000 an rak in pek ko lai. Na pawngkam ah a harsa tuk i bawmh a herh ko tiah na ruahmi an um ahcun inbox ah ka theihter hram ko tiah careltu zaangfah kan nawl ko hna. Facebook ah aka doh lengmangtu nan si zong ah i phuhrung hram hlah u, ka chawn hram ko u, thleidan a um lai lo, miharsa bawmhnak a si. Dohtu le doh lotu thleidannak asi hrimhrim lo. Harsa mi sin a phak khawh nak hnga share ka bawm ve law.
Leave a Reply