Russia ralkap nih hin kawl ralokap paw hi tangpi hna seh law, kawl ram mipi cu kan ci an kan hmihdih cikcek ko lai. Rusia hi vawlei cung ah a thawbik ah a tel ve caah, kan nih kawl ram mipi hna hi cu, nazi pa 1 chunghmanh ah, an kan nawng dih kho lai.
Min Aung Hlain nih Russia cu vawlei cungah ka hawi thabik nan si tiah ati. Hawi thabik cu harsak an tong tik ah a bawm hrimhrim ding khi an si ko. Cu caah Min Aung Hlain nih ningzah kaltak in a hawitha Russia cu bawmhnak a hal cang. Russia nih a tangpi taktak sual ah cun, kan nih mipi caah cun hell mei khi asi ko lai. hell mei chung in cun a hohmanh luat awk a tha tilo. a tangpi taktak lai ti hi phang um taktak ko. Russia nih le mitha asi ve lo i, a mah Min Aung Hlai bantuk thinlung neimi asi ve caah, thinphan dailo kan si ko.
Min Aung Hlai hi thinphan dailo in a um cang. Ralkap le tamtuk an thi cang fawn. Cu long si loin, a ralkap tampi nih a diklo tuk ti an theih caah an zamtak cang. Tlang cung um hriamtlai hna nih le kan dohdih tikah, lungre thei lo awk hrim a tha lo. Nain a sualman asi caah a sual man cu a tuar hrimhrim a hau ko. Bible nih sualman cu thihnak asi tiah a ti.
Russia ralkap hna nih an bawmhlo nak hnga , thlacam kan hau. Min Aung Hlain hi a fim zer tuk kaw, buainak a tong hnu in , Russia cu hawitha bik ah a tleih cang. Russia nih zei tindak a leh vet e lai. Thinphan dailo kan si ko.
Leave a Reply