KNU Brigade 5 hmunhma Phapon pengkomh November thla chung ah KNLA le ralhrang bu kahdohnak voi 151 a um i ralhrang 103 an thi tiah KNU Papon pengkomh nih an thanh. November 1 in 30 tiang thlakhat chung ah KNLA Brigade 5 le ralhrang he abawm mi BGF i fonh in kahdohnak voi 151 a chuak i ralhrang lei 103 an thi i 88 hliam an tuar.
Ralhrang lei a thi mi chung in Tatzinhmu 1 le tatkhuaihmu 1 an i tel i ahliam mi chung in tatzinhmu 1 le tatkhuaihmu pakhat an i tel tiah cathanh chung ah an telh chih. KNLA lei in 3 an nunnak aliam i 7 hliam an tuar tiah cathanh chung ah an langhter.Ralhrang hna cu mizapi umnak khua hna lei leikuang hna ah hriamngan in an voi 50 leng an kah hna tiah cathanh chung ah an langhter chih. The Chin Post
February 1 thok in ralhrang uknak dohtu hna nih Myanmar ram chungah ralhrang ngeihmi telecommunication tower tung 400 nak tlawmlo cu hrawhpiak an tong tiah ramchung media nih nizaan ah a langhter i, cu thil a cangmi ruangah ram chung ummi mitampi cu pehtlaihnak tuah kho lo in an um tiah cell phone operator hna nih an chim.
Cozah thlak an duh caah tower tung hna cu an hrawh hi a si tiah ralhrang phu he ruahnak aa hrawmmi Global New Light of Myanmar nih cun a thawngzamhnak ah a langhter.” Rampi hmailei a cawlcanghnak le cozah nih timhtuahnak a ngeihmi cu hramhram in hrawh ding aa tim” tiah cu thawng zamhnak nih cun a langhter,
cun ralhrang phu ngeihmi Mytel tower tung 409 i 88% cu hrawhpiak an tong tiah a langhter chih. Ralhrang phu nih nawlngeihnak an lak thok in Myanmar ralhrang nih mipi minung 1300 leng cu an thah hna i, ralhrang uk duhlo in cawlcanghnak a tuahtu hna cu hramhram in an tlaih hna nak kong cu ramchung zawnruahnak le bawmhnak pek in cawlcanghnak a tuahmi phu sin in theih a si.
September thla chung Mytel nih cathanh chuahning ah tower tung hna hrawh an si caah Myanmar ram chung ummi minung 700000 hrawngnih internet hman khawhlo in an um tiah a langhter. Mizzima, The Chin Post
Leave a Reply