MI BEIDONG TAXI DRIVER PA LE EVANGLIST LYDIA AN I TONG HNU IN DRIVER PA NUN A THLENG

Pathian riantuan nak khuaruahhar thil cu a lang taktak ko. Lydia sinah pathian nih bia a chim mi cu, va kal law, texi driver pa pakhat na hmuh lai, a beidong tuk I a mah le mah thah ding in khua a ruah lio asi tiah a chim. Lydia nih thinphan bute in a va kal I, Pathian nih a cawnpiak/ a chimh bantuk te in, driver pa pakhat cu a va hmuh.

Driver muisam zoh tikah, beidong nak in a khat, a chan cu, a texi a mongh mi kha a mata a rak silo, cun a texi neitu kha nikhat 1000 pek pengding in bia kam nak an rakĀ  nei. Nain, thlakhat chung ah voikhat hmanh a pe kho lo. Cu caah india ram cu kan theih bantuk in tangka fangkhat ruang hmanh an I thahngam nak hmun asi. Driver pa nih a ruahmi cu, ka Pu nih a ka thah thotho lai caah, ka Pu I a ka thah hlan ah keimah le keimah ka nunnak ka lak lai tiah khua a rak ruah lio pi asi.

Evenglist Lydia nih thate in bia a hal I, a chim dih. Lydia nih na thinphan hlah thla kan cam lai, cun thla kan cam hlan ah bible kan rel lai I, pathian bia kan chimh  lai tiah ati. Driver pa zong nih cun a el ve lo. Lydia nih a van cawnpiak dihhnu in, thla an cam an thla cam dih a can rualo te ah, thawngpang tha pakhat a hung theih.

Thawngpang tha a theihmi cu, a nupi nih phone in a van call I, kan pa nizan I na cawkmi angki secondhand chungah khan dollar tangka thawng 3000 an um tiah a van chimh. Cu thawngpang a van theihbak in driver pa nih evenglist Lydia a bia chim mi kha a huntheih I, a mittli a tla. Lydia nih a chim mi cu tuchun bakah na harsak vialte hi cung lei Pathian nih an phisin piak dih lai tiah a rak ti.

Cu hnu cun driver pa le a chungkhar hna cu khrihfa ah an lut I, an chungkhar ning in khuate pakhat ah missionary an va tuan.

Be the first to comment

Leave a Reply

Your email address will not be published.


*