Mauricio Pochettino nih cun Espanyol a zohkhen lio ah khan Lionel Messi cu ka lak khawh deng mang tiah a chim.
Paris Saint-Germain boss Mauricio Pochettino nih cun, PSG ah Messi a tthial lai ti bantuk zeihmanh ka chim lai lo. Espanyol le Southampton ka zohkhenh lio ah khan cun player tha taktak ka sinah um seh ti ka duh ve tawn.
“Espanyol ka zohkhenh tawn lio ah khan Lionel Messi kha a hngakchia rih ngai a tlangval ka lawng a si, Barcelona in loan in lak ka timh deng mang i, a cawlcangh ning a that tuk ruangah khan ka la than khawh lo nak a si.
A chim than ningah cun Barcelona he khan Messi lak nak ding kong ah kan i dor hmanh i, season thawk hlan Barcelona nih kum fatin an rak chuih tawn mi Trofeo Gamper ah khan Messi hi a cawlcangh ning a ttha ngai i, mah ruangah khan kan sinah van rat ter an siang than lo tiah Pochettino nih a chim.
Leave a Reply