Mawtaw Saikal Pakhat Ah Pa (2) I Phirh Lo Dingin Ralhrang Nih Nawl A Chuah Ruangah Mizapi Harnak An Tong

Tanintharyi(တနင်္သာရီ) ramthen Dawei (ထားဝယ်)pengkomh ah nawlngeihnak latu ralhrang nih pa-2 mawtaw Saikal i phirh lo dingin nawl a chuah ruangah mizapi harsatnak an tong tiah theih a si. Ralhrang nih Dawei(ထားဝယ်) pengkomh chungah November 11 thawkin pa-2 mawtaw Saikal i phirh lo dingin nawl a chuah hi asi.

Ralhrang nawlchuah ruangah mawtaw Saikal in passengers phortu le nitin riantuannak ah a kalmi mizapi hna cu tlunkalnak ah harsatnak an tong ngaingai tiah Dawei (ထားဝယ်)ummi pakhat nih atu bantukin a chim. “Hika lei ahcun mawtaw Saikal in passenger phortu an um hna tikah tlungkalmi an um ahcun nu le pa thleidan awk an tha lai lo caah zeitindah khua an sak lai. Riantuan dingin a kalmi zong an um hna.Mizaw an um tikah mawtaw saikal in i phirh lo ahcun zeitindah an um lai, cucaah hi bantuk in nawl an chuah ding a si lo tiah ka hmuh.

Hi nawlchuah ruangah mizapi tlunkalnak ah harsatnak faktukin an tong lai. Ramchung hmunkip ah ralhrang kuttang riantuantu hna cu mawtaw saikal hmangin thah an ton lengmang ruangah atu bantukin nawl an chuahnak a si ko tiah Than Lwin Times ah a chim.Ralhrang nih nawlchuahmi hi anmah ralkap chungtel le Phyo Saw Htee (ဗျူစောထီ:) chungtel le anmah thawng petu dalan hna humhimnak a si tiah khuami nih an chim. Ralhrang nih cun mawtaw saikal cit tikah pa pakhat lawng i cit, pa le nu i phorh, nu le nu i phorh khawh a si tiah nawl an chuah. Ralhrang nih pa-2 motorcycle i phorh lo dingin nawl a chuah ko nain zeitindah dantatnak kan pek hna lai timi cu an chim chih lo. # Than Lwin Times

The Chin Post

Be the first to comment

Leave a Reply

Your email address will not be published.


*