Maw Thantlang Na Thawngpang Kan Theih Hnu Ah Salai Lal David Le Salai Bawi Lian Sang Nan Thawngpang Theih Cu Dah By Salai

Nihin, May 23 zing ,Thantlang khuachung ah SAC ralkap le Chin ralkap an i kap i Chin ralkap, Thantlang CDF in ralkap 2 hliam an tuar tiah theih asi. Nihin ,May 23 zing ah Chin ralkap nih Thantlang khuachung an humhaknak hmun Sianginn sang tiang bak SAC ralkap nih an va ttum hnawh hna caah kahdohnak a chuah hi a si i , Thantlang CDF, Vanzangtlang Battalion (Thantlang CDF Battalion -3) in Salai Lal David le Zahnaktlang Battalion (Thantlang CDF Battalion -4) in Salai Bawi Lian Sang hliam an tuar tiah tiah theih asi.

SAC ralkap hna nihcun inn zong an duah pah thluahmah tiah theih asi, SAC lei thi le hliamtuar kong hngalh asi rih lo, Inn an duah mi zong inn zeizat a ciamh ti hngalh a si rih lo.”

Tiin thawngpang theih a si hnu ah min langhter lomi pakhat nih, ‘ Maw Thantlang na thawngpang kan theih ton mi kha a zaa cang lo maw, Yiah hme a tu ah hi tin hin na caan than, A tu Thlantlang na thawngpang ka theih hnu ah Salai Lal David le Salai Bawi Lian Sang nan thawngpang theih cu dah, ka nau le nan thinphang hlah uh Bawipa nih dam nak an peek hna lai i, kan lei ah Bawipa cu a tang peng ko lai. Bawipa kan dir pi ko.” tiah a social media ah a langhter. Crd-Salai

Relchap, Karenni ramkulh, Baw-La – Khe peng, Htalay khua le Kyunpin Kone karlak ah SAC ralkap mawtaw cu Karenni ralkap KA le KNDF B- 04 hna nih May 22 zanlei 3:00 ah lamtan in an kahdoh hna tiah theih a si. Suimilam 2 le cheu an i kap i SAC ralkap mawtaw 3 kan rawk i a thimi zong an um hna in a zat cu kan fianter kho rih lo tiah KNDF B – 04 nih May 23 , nihin ah an thanh. Cu kahdohnak ah Karenni ralkap phu in hliamtuar um lo tein hnu kan tolh than kho tiah kan langhter.

A luancia May 4 zongah Baw – La – Khe peng SAC ralkap mawtaw cu kahdoh an tong i SAC ralkap mawtaw 2 an rawk tiah theih a si. Karenni ramkulh chung kahdohnak cu a fah chin bantuk in SAC ralkap lei nih thazaang tampi an chap pin ah bawmtu ah vanlawng hna an hman tiah cathanh chung ah an langhter.

Ayeyarwaddy ramṭhen, Pathein peng Shwe Tawng Yan(ရွှေသောင်ယံ) rili kam ah, tualchung mi kum tlinglo ngakchia 3 telh in Rohingya 14 ruak cu, nizan May 22 chun ah kan hmuh, tiah bawmchantu(Red Cross) bu pakhat sin in theih a si. Shwe Tawng Yan, Ung Taw(အုန်းတော) ah kan hmuh hna i, a thimi hi nu lawng te an si. A nung mi cu 35 an si, tiah Red Cross phu in pakhat nih a chim. “Thlichia a hran ruang ah Tilawng in an ra. A nungmi hna cu pa lawngte an si, cu hna a thlah tu Puaisa pahnih nih an chimnak ahcun minung 6 an tlau, tiah kan theih. Aho te dah an si, khoika in dah an rat ti cu nawlngeitu hna nih an hlat cuahmah,” tiah an chim.

“A thimi hna ruak pawl cu Islam upa pawl nih, Shwe Tawng Yan thlanhmun ah nizan May 22 zanlei ah an vui hna,” tiah Red Cross bu in ṭuanvo ngeitu pakhat nih a chim. Cu a thimi hna kong he pehtlai in Ayeyarwaddy ramṭhen, palik zung in chim phuannak nawlngeitu palik bawi chang Htun Shwe cu, Mizzima nih biahalnak an tuah i Rohingya pawl cu upadi ning in dantat an si ko nain, khoika hmun ahdah an chiah hna kong cu a hngal lo.