Matupi Peng Mizoram Ramri Lei Ralzaam Bomhnak An Herh

Matupi Peng in Mizoram ramri lei ah ralzaam an karh, Matupi khuali[pi ah CDM a tuah mi pawl an tlaih hna.
=============================
Matupi Peng in Mizoram ramri lei ah ralzaam an karh tiah thawng kan theih . Cun Matupi khualipi ah CDM a tuah mi pawl an hehchet tiah an tlaih hna tiin thawng kan theih.

Kum 2022 January ni 6 ah Matupi peng lei khuate hna ah ralhrang le mipi hmunhimtu kahdohnak afak tuk caah ralzaam pawng athawng in an um cang theih a si. Ralhrang nih Khuami minung 10 an thah hna i cheukhat pawl cu ramlak ah an um i a tu tiang pehtlaih khawh an si rih lo.

Ralzaam pawl cu tlanglei ah an kee in an kal, ann tlik caah ei ding rawl, puan hman ding tam an i ken hna lo tiah thawng kan theih. Ralzaam pawl nih nikhat, nihnih hrawng lawng ei ding an i ken tiah thawng kan theih.A Tu tiang rawl a ei rih lommi an um tiah an ti.

Chak lei Mizoram le Mara ramri lei ah kee in a zaam mi athawng leng an si cang tiah khuami pakhat nihh achim. Ehtee khua zongah inn 50 hrawng lawng an um i minung athawng in cawm dingah a har tuk. Icheu cio in an ei zong ah tlawmpal cun ei awk an ngei ti lai lo tiah kan theih i bomhnak an herh nak kong zonng khuami pakhat nih achim chap.

Inn zahnih hrawng an umnak Ngalai khua zong aluancia mi thla hnih lio khan ralhrang nih Chirihfa Pastor pakhat an tlaih an thah hnu in khan zaam an i thawk hna. A tu an zaam nak Kilung khua tiangah an tlaihkhih hna caah a tu khuali hna cu an khuali ning in an zaam tthan hna.

Kan nih Chinram cu Lamsur athat lo nak ram caah cycle, motor hna zong kal dingah ahar tuk. Ralkap pawl zong nih Gate hna an chiah caah duh ti paoh in kal angah lo. Khualipi zong ah CDM ralhrang nih mi tlaihkhih dingin mi an kawl tiah thawng kan theih. Matupi peng ralzaam pawl bomhnak ann herh. Thinphang vansang in an um.

Be the first to comment

Leave a Reply

Your email address will not be published.


*