Nihin November 20, 2021 ah Chin ramkulh, Matupi District a simi Rezua khuapi ah SAC ralhrang nih Heliocopter pahnih an rak thlah tiah Matupi Revolution News nih a tarlangh. “SAC ralhrang Helicopter pahnih cu nihin ah ah khan Rezua Khuapi ah a rak phan i Rezua khuapi cu hel thum in an hel hnu ah pakhat cu Rezua Police Sakhan ah a ttum.
Atu Helicopter a rak rat nak a ruang theih a si rih lo. Ralhrang thazaang an rak chap bia maw a si ralhrang an rak i thlen dah a si timi zong theih a si rih lo. Rezua khuapi ah hin SAC ralhrang thazaang minung (20) hrawng lawng an um cang” tiah Matupi Revolution News nih cun a langhter.
Matupi District, Rezua khuapi hi CNF/A le CDF-Zotung control nak taang ah a um deng cang, khuapi a cheu nak tam cu an mah nih an hum cang ti khawh a si. SAC ralhrang pawl cu Sakhan ah leng zong ah an chuak ngam lo i CNF/A le CDF-Zotung nih an chuah bak in kah ding in an bawh peng ko hna tiah Matupi Revolution News nih kan hnu zarh ah khan a rak tial bal cang.
“Rezua SAC ralhrang Sakhan cu electric le Dinti zong an chah piak cang hna. SAC ralhrang thazaang an tlawmte cang. CDF-Zotung le CNA nih Rezua khuapi a cheunak tam cu an hum cang” tiah Matupi Revolution News thiamthiam nih a rak tial bal hi asi.
Cun nihin ah CNF/A le CDF-Zotung an tthawnnak hmun a simi Rezua khuapi ah SAC nih Helicopter an rak thlah tikah ralhrang thazaang an chap bia zong a si kho tiah mi tampi nih zumh a si tiah khuami pakhat nih a chim. V.O.A
Leave a Reply