Manipur ah Remdesivir 100mg Duplicate Sii An Tlaih India, Manipur state Imphal ah covid-19 mizaw caah hman mi Remdesivir 100mg sii deu dur 441 cu Bihar mi pakhat sin in an tlaih.
Sii hi Lalo Sah (kum 55), Sasam khua, Samas district Bihar kut in Manipur palek nih New Checkon area ah an tlaih mi a si.
A ngeitu nih hin mah sii he a pehtlaihmi ca zong zeihmanh a ngei lo tiah theih a si i, Sii taktak he tahchunh tikah a dannak tampi a um pinah sii register tuahnak zong a um lo tiah Imphal East SP N Herojit Singh nih a chim.
Sii deu hi a taktak nakin a ngan deuh i, a man belte cu a taktak he a khat.Rupees 4400 a si ve.Mah sii hi Kawlram ah an duh ngai mi a si i, a man zong company nih a khiah mi nakin a let 2 hrawngin an zuar tiah theih a si.
Remdesivir hi coronavirus mizaw hna caah emergency hman dingin WHO nih a pom cang mi a si.Thahri ah chunhmi phun a si i, ram 50 nih hman dingin an pom cang mi a si.
Zawtnak a zual deuh mi hna sin lawngah hman dingah ti mi a si i, an dam cak ngai tiah theih a si.
The Chin Post
Leave a Reply