Mandalay Thongin Chungah An I Phomh Hna!!

Mandang Thonginn Ah Thongukbawi Nih Thongtla An Velh Hna
==========================
Mandalay O-bo (အိုးဘို) thonginn ah a um mi thongtla pawl cu thong hngaktu pawl nih an velh hna caah minung pa 1 a nunnak a liam ii minung pa 2 nih hliam an tuar tiah theih a si. ” Thonginn riantuan le 505-kah miphat he bia an i el hna. Thong hngaktu nih a velh hmasa, Ka thong hlah ရာဇဝတ် fa ka si lo tiah a ti. Thong hnagktu nih Ya-Za-Fa na si lo zongah thongtla na si tiah a ti i a thong chap.

Ma hnu cu thonginn riantuan minung pa 6 hna nih ibom in a thongh colh. Mah khan chung ah a um mi Thongtla pawl zong an chuah hna i ibom in an i thongh velh cio hna. Khan dangah a um mi pawl an rak chuak sual lai tiah a ti ii mah khan cu kutkaa an hrenh hnu ah thong hngaktu pawl cu an ii auh chap hna i mah khan ah a um mi thongtla pawl cu an tuk velh hna.” tiah an chim. Cu pinah hliamtuar minung pa 2 hna cu si le ai an pee duh hna lo ii an thlop duh hna lo ii an kham hna tiah theih a si.

Tamu pengkulh chungah a um mi Yan Lin Fai khuate chungah SAC ralhrang nih hriamnam ngan in voi 20 renglo an kah hnuah khua chungah luhhnawh in mipi inn ah luhhnawh in inn chung thilri le an inn le lo an hrawh piak hna tiah theih a si. SAC ralhrang uico pawl le mipi kan ralkap phufonh hna nih tuni zinglei suimilam 10:00 hrawngah thawh hram an thawk hna a si tiah tualchung mi pakhat nih Just You-Tamu tualchung thawngzamh tiu a si ah a chim. A tu zong an i kahcuah mah lio a si tiah theih a si.

Chin ramkulh, Mindat le Kanpetlet in mino tamngai cu tanglam in Malaysia le Thailand ah kalmi an tam, A kalmi hna chungin kum 18 hrawng an si hna i, tam deuh cu nu an si, tiah theih a si. “Mindat le Kanpetlet in mino hna cu, sianginn zong an kai kho ti hna lo, rian zong a um lo. A hlan ahcun tawlre le Coffee a cingmi nih an cin. Atu cu rian zong a um ti lo, ramdang kal lawng a taang. Nule pa zong nih inn an um cun an thi lai maw? an nung lai tiah an thinphang. Ramdang kal lawng hi lam pakhat a si cang ko,” tiah Kanpetlet khuami pakhat nih a chim.

Malaysia kalnak hi minung pakhat ah Kyats sing 30 hrawng a si, tiah theih a si. “Pakokku motor gate le bang ahcun motor pakhat ah nu 30 hrawng an i cit ahcun pa cu pakhat hnih lawng an si. Cheukhat cu kawlrawn ah an chung le ummi nih tangka an pek hna, cheukhat cu thlaruk rianṭuan man chung in cham te ding in a kalmi zong an um,” tiah Pakokku um taxi khaltu Chinmi pakhat nih a chim. Ramdang kalnak tuahpiaktu puaisa hna nih Yangon in Malaysia tiang phanh khawh nakding an tawlrel i, cheukhat puaisa cu Malaysia a kalmi han lam tan ah tlaih an ton zongah a tawlrel piak lomi an um ve. Lam tan ṭim ah tlaih an ton lo ahcun Yangon in Malaysia cu zarkhat ah phak khawh a si, tiah theih a si

Magway ramṭhen, Saihphyo(ဆိပ်ဖြူ) peng HtamMaKauk(ထမ္မကောက်) khua ah umhmun khuarmi SAC ralkap cu PDF ṭangṭi phu hna nih June 7 chun hnu ah kan kah hna i SAC ralkap 10 an thi, seh meithal zun khat kan lak, tiah Myint Che-Kywin Chaung PDF(မြစ်ခြေ-ကျွန်းချောင်း ) nih cathanh an chuah. June 7 zanlei sml 2:30 hrawng ah Myint Che-Kywin Chaung PDF le Saih Phyo PDF i bawm in kan kah hna caah SAC ralkap 10 an thi. Seh meithal MA 2 zun khat kan lak. PDF lei in ralkap 1 a nunnak liam, 2 fak ngai in hliamhma an pu, tiah an langhter.

Sagaing ramṭhen, Ye U peng Chanthar(ချမ်းသာ) khua a khaangtu SAC ralkap pawl cu nihin June 8 zing sml 7:05 hrawng ah MiTharWya le NguangHla(မိဿာရွာနှင့် ညောင်လှ) khua kar ah bomb in kan puahhnawh hna, tiah Bo Mauk Saih(ဗိုလ်မုတ်ဆိတ်) phu nih cathanh an chuah. Bomb an puahhnawh hna dih in minutes 10 chung hrawng kahdohnak a chuak, SAC ralkap lei in a thimi zong an um. Cu kahdohnak ah Bo Mauk Saih phu, Freedom Revolution Force (FRF), DRPA le Ye U peng Pah Ka Phah phu i bawm in an kah hna, tiah theih a si. SAC ralkap nih June 7 zinglei ah hriamngan an kah dih in Chanthar khua chung an lut i, zanlei ah Chanthar khua cu an khangh, tiah theih a si.

Kawlram ah democracy a ngah than khawh nakhnga le SAC nih an tuahmi sualnak, thahnawnnak vialte cu anmah nih mawhphurhnak an laak nakhnga ASEAN ram cheukhat he tonbiaruahnak ngei dingin US cozah ramdang pehtlainak zung i ruahnak petu Derek Cholett cu nizan in khual tlawn aa thawh. Derek Cholett cu June 7-14 tiang cu Thai, Singapore le Brunei ram ah a kal lai tiah US cozah ramdang pehtlainak ministry zung nih a thanh.

Derek Cholett cu Thailand ramchung a phak tikah nawlngeihnak tuanvo ngeitu cunglei bawile hna he ramhnih kong tonbiaruahnak ngei ding a si pinah zatlang phu dangdang hna he zong tonbiaruahnak ngeiin Kawlrammi hna cungah US nih bawmhnak a pek dingmi kong he pehtlaiin biaruahnak a ngei lai tiin VOA nih a langhter. Brunei ram ahcun Brunei ramdang minister Ayayarwaddy Youseef telh in cozah riantuantu dangdang hne le zatlang phu dangdang hna he zong tonnak a ngei lai tiah theih a si. Singapore a phak tikah cun Kawlram kong he pehtlaiin Singapore cozah nawlngeitu cunglei bawile hna zong an tel dingmi tonbiaruahnak ahcun Derek Cholett zong nih a telpi hna lai tiah theih a si.

Southern Thailand ah anmah ram mi mipa pakhat thah a ton hnu in a thlithup in a rak lut mi Kawlram mi riantuantu hna cu pehzulh in tlaihkhihnak an tuah tiin MWRN Southern Thailand ah tuanvo ngeitu nih Delta News Agency (DNA) ah a chim. Thailand ram le Kawlram ramri ah Kum 2022 April thla hlan khan a thlithup in Kawlrammi riantuantu hna cu nikhat ah minung 200-300 karlak cu an lut peng ko nain Thailand nawlngeitu palek le tuanvo ngeitu hna nih an ramchung ah riantuantu minung thazang an chambau tuk ruangah tlaihkhihnak tuah loin an luatter hna.

Sihmanhsehlaw, a liamcia May 31 thawkin anmah rammi mipa pakhat thah a ton hnuin cun ramtang ah kawlhawlnak an tuah lawng siloin innchung tibantuk tiangin kawlhawlnak tuah hratin tlaihkhihnak an tuah cang tiah Southern Thailand ah tuanvo ngeitu nih a chim hi a si.

Post Views: 12

Mandalay Thongin Chungah An I Phomh Hna!!

Be the first to comment

Leave a Reply Cancel reply