Suimilam 2 hrawng ah an i kap Hnu ah PDF Hnu An tolh ralhrang Tam taktak An Thi

Sagaing ramthen, Shwe Bo peng, Inngyinpin, khua ah rallokap pawl cu khua runveng tu phuhnih a si mi Fight for Fredom (FFF) nih November 27 tuni ah bombpuah in an doh hna caah ralhrang 10 an thi i 5 an hliam tiah ( F.F.F) phu nih cathanh an chuah. Bomb puahhnawh a tong mi ralhrang pawl le mipi run veng tu hna cu,.

InGyinPin thlanhmun pawng suimilam 2 hrawng ah an i kap ralhrang lei nih Sniper le Hriam ngan pawl an kah hna caah PDF pawl cu hnu an tolhthan tiah kan theih. Mah kahdohnak ah cun Shwe Bo lei in a ra mi mizapi ralkap he aa fonh mi phu pakhat zong nih Hriamngan in an bawmh hna tiah Fight For Freedom nih tuni ah thawng a thanh. Khit Thit Media

Mandalay ramthen, Mokok khuapi chungum Sipin Thayar sangah a ummi Sin Taung phungki sianginn cu ralhrangbu hna nih an luhhnawh hna i thilri vialte zong an hrawh piak hna i siang ngakchia (3 )an tlaih hna i an kal pi hna tiah khuami hna nih an chim. Nizan Nov 26 zinglei sml 5 :00 hrawngah ralhrang nih thazaang tam piin an rak luhhnawh hna hi asi i,

Cuka ummi phungki pakhat an kawl i an hmuh lo caah siang ngakchia 3 hna cu an tlaih hna tiah theih a si. “Zeibantuk phungki dah an kawl kan theih a si lo i, zingka tein an rak lut , an kawl mi cu an hmuh lo caah siang ngakchia 3 an tlaih hna ,sianginn chung zong an hrawh” tiah khuami pakhat nih a chim. An tlaihmi siang ngakchia 3 hna cu khuikaa hmun ahdah an kalpi timi theih a si rih lo tiah khuami hna nih an chim. Delta News Agency

Be the first to comment

Leave a Reply

Your email address will not be published.


*