Mandalay Ah Mi Pakhat A Mah A Dawr Lila Hmai Ah Meithal In An Kah Thah

Mandalay Ah Mi Pakhat A Mah A Dawr Lila Hmai Ah Meithal In An Kah Thah

Mandalay khuapi, Chain Aye Tazar peng, Aung Nan sang a um mi U Win Naing cu March thla ni 31, Suimilam 6:00 hrawngah a mah a dawr lila hmaiah meithal in an kah thah tiah Security he aa neihniam mi pakhat sinin thawng kan theih.

U Win Naing Kum (50) hrawng a si mi cu a mah a dawr a si mi nawn zuar nak ah mi theih lo mi minung pahnih cu cycle in an rak phan i meithal in an kahthah hnuah an kir tthan tiah theih a si.

Myitkyina Khuapi Chungah Chiah Mi CCTV Cheukhat Bomb In An Hrawh, Kachin ram, Myitkyina khuapi ah Security caah tiin chiah in CCTV cheukhat pawl cu March thla ni 31, zaan lei ah bomb in an hrawh tiah khuami sinin thawng kan theih. Myitkhyina Bala hlei pawngah an chiah mi CCTV pahnih cu Zaan lei suimilam 9:00 hrawngah bomb in an hrawh hi a si.

” Bomb puah thawng kan theih i Bomb puah thawng hi suimilam a cheu chung hrawng kan theih lo hnuah kan va dothlat tikah CCTV an hrawh mi a si tiin kan theih” ti in khuami pakhat nih a chim. Bomb puah ruangah hliam tuar le thgilri dang sungh mi cu a um lo tiin khuami pakhat nih a chim chap.

KNU brigade 5 kiangkap ah a ummi , Me Won မဲဝိုင် SAC sakhan cu , helicopter in eiding le hriamnam  an vun thlak hna lio ah KNU nih an hriamngan le hriam hme in an kah hna I ,an thlak tami thilri , eidin le hriamnam hna cu kan chuh dih hna tiah KNU brigade 5 nih thawngthanh nak an tuah .

March 29 ah khan SAC helicopter 4 cu thilri chanh ah an vun ra hna a hmai sabik helicopter nih thilri a thlak lio ah KNU nih an kah hna cu theih a si.  Cu lioah cun an dang SAC helicopter 3 nih Machine gun hmang in an vun kah bawmh ve I khua pawng i a ummi khuami cheukhat zong hliam hmai an tuar hna, inn pakhat zong bomb nih a khen caah a ciam dih tiah theih a si.SAC nih an thlak tami thilri cu KNU nih an thiar khawh zat an thiar hnu ah , thiar khawh tilo a dang cu an kangh hna tiah theih a si.