Covid kong he pehtlaihin Malaysia cozah nih June 1 in 14 tiang Total Lockdown a tuah lai caah Malaysia um Kawlram mi hna cu i ralring cio dingin Malaysia Myanmar Embassy ni a thanh.
May 28 ni ah Malaysia ramchung zawtnak a ngei mi cu an ram record a break caah Malaysia vuancichok Muhyddin Yassin nih kalpi lo awk a tha lo mi chawlehnak a si lo mi riantuannak vialte cu khar a si lai tiah a thanh.
Lockdown June ni 14 tiang a si lai caah Malaysia um Kawlram mi hna cozah nih zulhphung an zaam mi pawl cu a tha tein zulh ding le Taanzung ah a rak ra mi pawl zong nih ramchung tlawngleng khawhnak permit le theihpinak ca pawl rak i ken cio dingin a thanh.
Malaysia milu 32 million chungah Coronavirus zawtnak a ngei mi hi 549514 an si, covid zawtnak he a thi mi hi minung 2552 an si tiah theih a si. Ref; cnbc
The Chin Post
Leave a Reply