Jordan, middle East i nu pakhat a min van langhter lo mi nih cun a pasal fa, a mah fa ve ding thiamthiam pa hngakchia kum 2 i upa mi cu thinhun ruangah tisa taktak mi in a kholh i a thi.
A pasal he hin an nupa karlak a tha tuk lem lo siin van langhter a si, a pasal nih cun a fale kum 4 le kum 2 hna cu tha tein zohkhenh dingin a chimh.
Apasal cungah a lungtling lo ruangah a thinhung nak cu a fale sinah a langter, report nih a van langhter ningah cun bathtub ah tisa a chiah i tisa chungah cun hngakchia kum 2 mi cu a kholh tiah van langter a si, kum 2 hngakchia mi te hi fak a ti tuk ruangah a au len i apa nih thawngpang a theih le cangka in tub in a lak i a rianran nak in sizung neih cem ah a kalpi colh.
A taksa a kang tuk ruangah sizung in a um hnu zarh 2 hnu ah a thi tiah an chim. Court nih cun mah bantuk thil hngakchia cungah a tuah ruangah kum 20 chung thongtla dingin hremnak a pek.
Leave a Reply